لہاسہ ایکسپو میں پاکستانی دستکاریاں توجہ کا مرکزِ

لہاسہ (گوادر پرو)چین کے جنوب مغربی خودمختار علاقے شی زانگ (تبت) کے دارالحکومت لاسا میں جمعرات کے روز شروع ہونے والی بین الاقوامی تجارتی نمائش میں پاکستانی ہنرمندی اور روایتی مصنوعات نے شرکاء کی توجہ حاصل کر لی۔
  
آئدی، جو ایک تجربہ کار پاکستانی نمائش کنیدہ ہیں اور شی زانگ میں چھٹی بار تجارتی نمائش میں شرکت کر رہے ہیں،انہون نےکہاکہاس سال ہم نفیس اونکس کی مصنوعات اور ہاتھ سے بنے اسکارف لے کر آئے ہیں۔ چین کے مختلف شہروں میں منعقدہ تجارتی میلوں میں شرکت کے ذریعے مجھے شی زانگ کے لوگوں کی ثقافت اور مصنوعات کی پسند ناپسند کو سمجھنے کا قیمتی موقع ملا ہے۔

 نمائش میں شریک نمائندے نے پاکستانی ہنر و دستکاری کی بڑھتی ہوئی مقبولیت پر زور دیا۔ اُن کا کہنا تھاپاکستان ہاتھ سے بنی ہوئی مصنوعات کی ایک وسیع رینج پیش کرتا ہے، جنہیں چینی مارکیٹ میں غیر معمولی پذیرائی حاصل ہوئی ہے۔ شی زانگ کے صارفین خاص طور پر ہماری پتھروں اور جیڈ سے بنی دستکاریاں، کانسی کے برتن، لکڑی کے فن پارے اور قالینوں کو بے حد پسند کرتے ہیں۔

 آئدی نے پاکستانی مصنوعات کے منفرد فوائد پر روشنی ڈالتے ہوئے کہاکہہماری ہاتھ سے تیار کردہ اشیاء دیگر ممالک کی مصنوعات کے مقابلے میں شاندار قدر و قیمت فراہم کرتی ہیں۔ اس سے بڑھ کر یہ کہ ہم مقامی ثقافت کا بغور مطالعہ کرتے ہیں اور اپنی مصنوعات کو اسی کے مطابق ڈھالتے ہیں۔ ثقافتی اقدار کو سمجھنا اور ان کا احترام کرنا کامیاب کاروباری تعلقات کی بنیاد ہے۔

نمائش میں شی زانگ کی منفرد مقامی مصنوعات بھی نمایاں طور پر پیش کی گئی ہیں، جن میں تھانگکا پینٹنگز، مقامی خوشبو، یاک سے بنی اشیاء، پہاڑی جو سے تیار کردہ مصنوعات، اعلیٰ معیار کا شہد، قدرتی پینے کا پانی، اور جدید ٹیکسٹائل شامل ہیں۔
یہ مصنوعات نہ صرف شی زانگ کی صنعتی ترقی کا مظہر ہیں بلکہ بین الاقوامی نمائش کنندگان کے لیے ثقافتی تبادلے کے مواقع بھی فراہم کرتی ہیں۔
 

 نمائش یکم ستمبر تک جاری رہے گی، اور آئدی سمیت دیگر پاکستانی تاجروں نے اپنے امکانات کے حوالے سے بھرپور اعتماد کا اظہار کیا۔آئدی نے کہایہ ایونٹ چینی مارکیٹ کو سمجھنے اور مضبوط و بامعنی روابط قائم کرنے کے لیے نئے دروازے کھول رہا ہے۔

واضح رہے کہ یہ نمائش پہلی لہاسہ بین الاقوامی ثقافتی سیاحت نمائش 2025 وغیر ملکی تجارتی معیاری مصنوعات چائنہ ٹور - شی زانگ (لہاسہ) اسٹیشن کے عنوان سے جاری ہے ، جس میں پاکستان سمیت دنیا کے 10 سے زائد ممالک کے 150 سے زائد نمائندے شرکت کر رہے ہیں۔ جن میں نیپال، فرانس، تھائی لینڈ اور آسٹریلیا بھی شامل ہیں۔