انجینئرنگ تعلقات کا فروغ ،اسلام آباد میں تین روزہ ایف آئی ڈی آئی سی ایشیا-پیسیفک کانفرنس کا انعقاد

اسلام آباد(گوادر پرو ) اسلام آباد میں 15 تا 17 جولائی کوایف آئی ڈی آئی سی ایشیا-پیسیفک ریجنل کانفرنس کا انعقاد کیا گیا، جو خطے کے انجینئرنگ اور کنسلٹنگ سیکٹرز کے لیے ایک اہم سنگ میل ثابت ہوا۔ پاورچائنا کی اسپانسرشپ اور پاکستان ایسوسی ایشن آف کنسلٹنگ انجینئرز (PACE)  کے زیر اہتمام منعقدہ اس کانفرنس کا مقصد ایشیا-پیسیفک اور جنوبی ایشیا میں انجینئرنگ کنٹریکٹنگ اور کنسلٹنسی کو فروغ دینا تھا۔
 کانفرنس میں 20 سے زائد ممالک کے نمائندے شریک ہوئے جن میں عالمی مالیاتی ادارے ورلڈ بینک اور ایشیائی ترقیاتی بینک کے اعلیٰ حکام بھی شامل تھے۔ شرکاء نے انجینئرنگ کے شعبے کو درپیش اہم چیلنجز پر تبادلہ خیال کیا اور تکنیکی جدت، پائیداری اور انفراسٹرکچر کی ترقی کے حوالے سے بات چیت کی۔
 وفاقی وزیر برائے منصوبہ بندی، ترقی اور خصوصی اقدامات احسن اقبال نے تقریب کا افتتاح کیا اور افتتاحی خطاب دیا۔ اپنے خطاب میں انہوں نے کانفرنس کی اہمیت کو سراہتے ہوئے اسے کنسلٹنگ انجینئروں کے پیشہ ورانہ معیار کو بہتر بنانے اور علاقائی اتحاد کو فروغ دینے کے لیے ایک لازمی فورم قرار دیا۔
وفاقی وزیر برائے منصوبہ بندی، ترقی اور خصوصی اقدامات احسن اقبال نے کانفرنس کا افتتاح کرتے ہوئے کہا کہ یہ فورم کنسلٹنگ انجینئروں کی پیشہ ورانہ قابلیت کو بہتر بنانے اور خطے میں تعاون کو فروغ دینے کے لیے نہایت اہمیت کا حامل ہے۔ انہوں نے کہا کہ کانفرنس کے نتائج توانائی کے شعبے میں تبدیلی، انفراسٹرکچر کی ترقی اور جدت پر مبنی ترقی کے لیے نئے مواقع فراہم کریں گے۔ وزیر نے کہا کہ پاکستان عالمی شراکت داریوں کو فروغ دے کر انجینئرنگ سیکٹر میں پائیدار ترقی کے لیے پرعزم ہے۔