پاکستان میں چائنیز تلوں کا آزمائشی فارم کٹائی کے لیے تیار

لاہور (گوادر پرو)   چائنا مشینری انجینئرنگ کارپوریشن (سی ایم ای سی) نے لاہور کے قریب ایک تلوں کی جانچ کا فارم قائم کیا ہے جہا  اگلے ہفتے تلوں کی پہلی فصل کی  کٹائی  متوقع  ہے۔ آزمائشی پیداوار 850 سے 1000 کلوگرام فی ایکڑ ہوگی۔

کمپنی نے جانچ کے مقاصد اور کارکردگی کے لیے 20 ایکڑ پر تل کی کاشت شروع کر دی ہے۔ اس سال کے شروع میں  ہونے والا    آزمائشی  فارم دونوں ممالک کے درمیان اختراعی کاشتکاری اور زرعی تعاون کو فروغ دے گا۔

گوادر پرو سے گفتگو کرتے ہوئے  سی ایم ای سی  پاکستان کے وائس جنرل منیجر ڈائی باو نے کہا کہ ہم بیج اور فیلڈ مینجمنٹ کی جانچ کر رہے ہیں۔ پاکستان میں تل کی پیداوار اور تجارتی حجم کو بہتر بنانے کے لیے مستقبل میں تل کی تجارت اور کنٹریکٹ فارمنگ شروع کرنے کی امید ہے۔ 

تل کئی قسم کی مٹی کے لیے موافق ہے۔ تاہم، یہ اچھی طرح سے نکاسی والی مٹی میں بہتر کارکردگی کا مظاہرہ کرتا ہے اور عام طور پر اوپری میدانی علاقوں میں پیدا ہوتا ہے۔ فی ایکڑ پیداواری لاگت سویابین کی پیداوار کی لاگت سے معمولی اور تقریباً موازنہ ہے۔

کھاد کی لاگت بنیادی طور پر نائٹروجن کے لیے ہوتی ہے، جسے نامیاتی ذرائع سے پورا کیا جا سکتا ہے۔ فصل کی لاگت دوسرے اناج کی طرح ہے۔