ایم این ایس یونیورسٹی لائیو سٹاک مینجمنٹ میں چین-پاک ڈوئل ڈپلومہ شروع کرے گی

اسلام آباد  (گوادر پرو)  فیکلٹی آف ویٹرنری اینڈ اینیمل سائنسز (ایف وی اے ایس)، ایم این ایس یونیورسٹی آف ایگریکلچر، ملتان، اور  چین کے سنکیانگ ایگریکلچرل ووکیشنل ٹیکنیکل کالج  نے  ایف وی اے ایس میں لائیو سٹاک منیجمنٹ میں   چین-پاک ڈوئل ڈپلومہ پروگرام شروع کرنے کے لیے ایک آن لائن  اجلاس  کا انعقاد کیا۔
 
 
ایف وی اے ایس  کے مطابق، ڈوئل ڈپلومہ پروگرام کے تحت، طلباء ابتدائی دو سال پاکستان میں اور ایک سال سنکیانگ زرعی ووکیشنل ٹیکنیکل کالج میں تعلیم حاصل کریں گے۔ دونوں اداروں نے اس مقصد کے لیے فروری 2023 میں ایک ایم او یو پر دستخط کیے تھے۔

  ایف وی اے ایس کے جانوروں اور ویٹرنری سائنس کے اساتذہ کی آن لائن تربیت کے علاوہ ایک فیکلٹی ایکسچینج پروگرام کو بھی فنڈ فراہم کیا جائے گا۔

مزید برآں، سنکیانگ ایگریکلچرل ووکیشنل ٹیکنیکل کالج ایم این ایس یونیورسٹی میں جدید زراعت اور حیوانات کے مظاہرے کا تربیتی مرکز قائم کرے گا تاکہ پاکستانی ویٹرنری پیشہ ور افراد، تکنیکی عملے اور صنعتی شراکت داروں کے لیے تربیت کا اہتمام کیا جا سکے۔

اس موقع پر وائس چانسلر ڈاکٹر آصف علی نے کہا کہ اس شراکت داری سے نہ صرف طلباء کو فائدہ ہو گا بلکہ پاکستان میں لائیو سٹاک کی صنعت کی ترقی میں بھی مدد ملے گی۔

ڈین ایف وی اے ایس  ڈاکٹر آصف رضا   نے کہا کہ اس پروگرام کا مقصد طلباء کو کثیر الثقافتی ماحول میں مویشیوں کے انتظام اور جانوروں کی دیکھ بھال میں اپنی مہارتوں کو فروغ دینے کے لیے متنوع اور بھرپور سیکھنے کا تجربہ فراہم کرنا ہے۔

سنکیانگ ایگریکلچرل ووکیشنل ٹیکنیکل کالج کے پرنسپل پروفیسر یانگگویچھوآن  انیمل سائنس اور ٹیکنالوجی انسٹی ٹیوٹ کے ڈپٹی ڈائریکٹر گاؤ چھن ہو ا، ڈین ڈیپارٹمنٹ آف اینیمل ہسبنڈری اینڈ ویٹرنری میڈیسن جیانگ شیاو شن   اور  ڈین آف کوآپریٹو آفس سنکیانگ ایگریکلچرل ووکیشنل ٹیکنیکل کالج   ما وین جنگ نے اجلاس میں شرکت کی۔

آن لائن میٹنگ کے دوران تانگ پاکستان کے ڈائریکٹر اور ایگزیکٹو صدر میکس ما بھی موجود تھے۔