سکی کناری ایچ پی پی میں اہم پیشرفت، پہلا شافٹ پین اسٹاک کا میابی کے ساتھ نصب

مانسہرہ (گوادر پرو)  سکی کناری ہائیڈرو پاور پراجیکٹ (ایس کے ایچ پی پی) میں ایک اور اہم پیش رفت میں، چینی انجینئرز کی ایک ٹیم نے کامیابی کے ساتھ پہلا شافٹ پین اسٹاک نصب کیا ہے، جو پانی کے ذخیرہ اور بجلی کے لیے ایک مضبوط بنیاد فراہم کرے گا۔ 

پین اسٹاک دباؤ والے آلات ہیں جو بجلی پیدا کرنے کے لیے پانی کو منبع سے ٹربائن تک لے جاتے ہیں۔ یہ ہائیڈرو الیکٹرک سسٹم کے آپریشن میں کلیدی عناصر ہیں۔

ایس کے ایچ پی پی کے ایک اہلکار نے تصدیق کی کہ پین اسٹاک کو 26 اپریل کو کامیابی کے ساتھ نصب کیا گیا تھا، انہوں نے مزید کہا کہ چینی انجینئرز کی زیرقیادت ٹیم نے اس تنصیب  جشن منایا۔

884 میگاواٹ کا ایس کے ایچ پی پی مانسہرہ، خیبر پختونخواہ (کے پی) میں دریائے کنہار (دریائے جہلم کی ایک معاون) پر چائنا پاکستان اکنامک کوریڈور (سی پیک) کی چھتری کے نیچے تیار کیا گیا ہے۔ سی جی جی سی لمیٹڈ اس منصوبے کا سپانسر ہے، جسے سکی کناری ہائیڈرو (پرائیویٹ) لمیٹڈ کے ذریعے چلایا جا رہا ہے۔ گزشتہ سال اکتوبر میں چینی انجینئرز نے ایس کے ایچ پی پی میں گہرے دباؤ والے شافٹ سسٹم کی کھدائی مکمل کی۔ ایس کے ایچ پی پی کی مجموعی تعمیر تیز رفتاری سے جاری ہے، اور اندرونی ذرائع کے مطابق 90 فی ضد تعمیر مکمل ہو چکی ہے۔

جیسا کہ منصوبے کی تعمیر تکمیل کی طرف جا رہی ہے، وادی کاغان میں ایس کے ایچ پی پی سے بجلی کی پیداوار کے لیے ایک ہیوی ٹرانسمیشن لائن کی تنصیب کا کام پوری رفتار سے جاری ہے، بالاکوٹ کے پہاڑوں میں ہیوی ٹرانسمیشن پولز نصب کیے جا رہے ہیں۔

منصوبے میں کل سرمایہ کاری 1.96 بلین ڈالر ہے۔ اس منصوبے نے اپنی تعمیر کے دوران 4000 سے زائد ملازمتیں پیدا کی ہیں۔ مکمل ہونے پر یہ منصوبہ ہر سال پاکستان کے لیے 3.2 بلین کلو واٹ فی گھنٹہ بجلی پیدا کرے گا۔