پاکستان بھر میں  سی پیک کے مختلف منصوبوں  پر  عید کی تقریبات کا انعقاد

اسلام آباد( گوادر پرو) عیدالفطر کے پرمسرت موقع پر پاکستان بھر میں  سی پیک  کے مختلف منصوبوں  پر  ثقافتی تقریبات دیکھی گئیں۔ چینی عملے اور انتظامیہ نے عیدسے پہلے اور اس کے دوران غریبوں اور ضرورت مندوں کو تحائف اور عطیات پیش کیے۔

 چائنا مشینری انجینئرنگ کارپوریشن (سی ایم ای سی) کے کمیشننگ اور آپریشن انجینئر سجاد حسین نے کہا کہ پاکستان اور چین کے درمیان مضبوط ثقافتی رشتہ ہے اور دونوں ممالک میں عید الفطر بڑے جوش و خروش سے منائی جاتی ہے، دونوں ممالک کی دیرینہ دوستی ہے، اور ان کا ثقافتی اور اقتصادی تعاون گزشتہ برسوں کے دوران مضبوط ہوتا جا رہا ہے۔

کمپنی نے تھر بلاک II کول مائن میں اپنے تمام ملازمین کے لیے عید کی تقریب کا اہتمام کیا۔ دونوں ممالک کے ملازمین نے ایک ساتھ عید منائی اور عید کے خوشگوار لمحات سے لطف اندوز ہوئے۔
 
عید کی خوشیوں میں روایتی رقص، پرفارمنس، کرکٹ گیمز اور ڈنر شامل تھے، جو عملے کو اپنے ثقافتی تنوع کو بانٹنے اور منانے کا موقع فراہم کرتے ہیں۔

چائنا سول انجینئرنگ کنسٹرکشن کارپوریشن (سی سی ای سی سی) کے چینی اور پاکستانی عملے نے بھی عید الفطر  کے خصوصی موقع کو   ملک بھر میں مختلف تعمیراتی مقامات پر ایک خاندان کے طور پر منایا۔
 
پاک مٹیاری-لاہور ٹرانسمیشن کمپنی (پرائیویٹ) لمیٹڈ (پی ایم ایل ٹی سی) کے چینی اور پاکستانی انجینئرز نے عید الفطر اکٹھے کرکٹ کھیل کر، ڈانس کرکے اور ایک ساتھ ڈنر کر کے منائی۔

ملازمین کا کہنا تھا کہ ثقافتی رابطوں نے ایک دوسرے کی افہام و تفہیم کو بڑھایا اور دونوں دوست ممالک کے درمیان دوستی کے پل بنانے میں مدد کی۔ کمپنی نے کام کے شیڈول کو بھی ایڈجسٹ کیا اور مسلم ملازمین کو عید الاؤنس دیا۔

اورنج لائن نے اپنے محنتی ملازمین کو بھی سراہا، خاص طور پر عید کے دوران۔ عید الفطر کے دوران کمپنی نے ان کے لیے خصوصی تحائف تیار کیے جو اورنج لائن کے تمام 26 اسٹیشنز پر تقسیم کیے گئے۔
 
 کوئی بھی بھوکا نہیں سوئے گا' اقدام پر کام کرتے ہوئے عیدالفطر کے موقع پر  انڈسٹریل اینڈ کمرشل بینک آف چائنا (آئی سی بی سی) کراچی برانچ نے مقامی کم آمدنی والے لوگوں کی مدد کے لیے فوڈ پیکجز عطیہ کرنے کے لیے عید مبارک کے ساتھ  ایک  سی ایس آر  ایونٹ کا انعقاد کیا۔ 
 
اسی طرح کی ایک کوشش میں، ایم سی سی ریسورس ڈویلپمنٹ لمیٹڈ (ایم آر ڈی ایل) نے سینڈک میٹلز لمیٹڈ (ایس ایم ایل) کے تعاون سے بہترین عید کی فراہمی کے لیے بلوچستان کے ضلع چاغی کے 32 دور دراز علاقوں میں کئی سو خاندانوں میں 4100 مفت رمضان فوڈ پیکجز تقسیم کیے ۔ پاکستانی دوستوں کے لیے نیک خواہشات کا اظہار کیا۔