داسو ہائیڈرو پاور پراجیکٹ،دریائے سندھ کا پانی کامیابی سے دوسری ٹنل میں موڑ دیا گیا

اپرکوہستان  (گوادر پرو) دو ماہ سے بھی کم عرصے میں دوسری بڑی کامیابی کے طور پر اتوار کو  دریائے سندھ کے پانی کو داسو ہائیڈرو پاور پراجیکٹ (ڈی ایچ پی پی)  کی  دوسری ڈائیورژن ٹنل   میں  کامیابی سے موڑ دیا گیا ہے۔

ڈپٹی کمشنر اپر کوہستان کے دفتر کے مطابق دوسری ڈائیورشن ٹنل کو اتوار کو دریائے سندھ کا رخ موڑ کر فعال کر دیا گیا۔ڈپٹی کمشنر عرفان اللہ محسود نے کہا کہ  آپ میں سے ہر ایک نے اس پراجیکٹ کی کامیابی میں بہت زیادہ تعاون کیا۔ تمام محنت کے لیے آپ کا بہت بہت شکریہ۔ ناقابل یقین کامیابی پر مبارکباد،   اس موقع پر پراجیکٹ ڈائریکٹر ڈی ایچ پی پی، ڈسٹرکٹ پولیس آفیسر محمد خالد خان، اور چائنا گیزوبا گروپ کمپنی (سی جی جی سی) کے ممبران بھی اس موقع پر موجود تھے۔   محسود نے مزید کہا کہ  یہ میرے لیے بڑے اعزاز کی بات ہے کہ میں پروجیکٹ کی دوسری ڈائیورشن ٹنل کا افتتاح کر رہا ہوں۔' 

پہلی ڈائیورژن ٹنل، جس میں ڈائیورژن ٹنل کی لمبائی 1.3 کلومیٹر ہے، 20 میٹر چوڑائی اور 23 میٹر اونچائی ہے، فروری 2023 میں افتتاح کیا گیا تھا۔

 سی جی جی سی  اہم کاموں کا ٹھیکیدار ہے اور پروجیکٹ کی تعمیر کی قیادت کر رہا ہے۔ تکمیل کے بعد داسو پاکستان میں سب سے زیادہ سالانہ توانائی پیدا کرنے والا منصوبہ بن جائے گا یعنی اوسطاً 21 بلین یونٹ۔

واپڈا  پروجیکٹ  ایریا  میں آبادکاری، ماحولیاتی انتظام اور سماجی ترقی سے متعلق اسکیموں پر 17.34 بلین روپے   خرچ کر رہا ہے۔  تقریباً 3722 ملازمتیں، جن میں مقامی لوگوں کے لیے 1945 شامل ہیں، اب تک پیدا ہو چکی  ہیں، جو اس منصوبے کے تعمیراتی دور کے دوران بڑھ کر 8000 تک پہنچ جائیں  گی۔