ایشیا یوتھ لیڈرز فورم کا  پاکستان کی پیشہ ورانہ تعلیم پر تبادلہ خیال

نانشا (گوادر پرو) بیلٹ اینڈ روڈ ممالک کے نوجوانوں پر خصوصی زور دینے کے ساتھ،  ایشیا یوتھ لیڈرز فورم  کی چوتھی عالمی رجحان کانفرنس”25 مارچ کو  چین کے شہر گوانگ زو  منعقد ہوئی۔ تین روزہ فورم میں ایشیائی نوجوانوں کے نمائندوں اور مہمانوں نے اعلیٰ معیار کی ترقی، صحت کی دیکھ بھال، عالمی رجحانات اور مالیات جیسے متنوع موضوعات پر گفتگو کی۔ پاکستان کی آواز حاضرین کے لیے خاص دلچسپی کا باعث رہی ہے، کیونکہ یہ ملک  سی پیک   کا  اہم شراکت دار  ہے، خاص طور پر یہ دیکھتے ہوئے کہ اس کی تقریباً 70   فی صد آبادی 30 سال سے کم عمر  افراد ہے۔

 سی پیک کی بدولت، پاکستان اس وقت اعلیٰ معیار کی ترقی کے مرحلے سے گزر رہا ہے، جو نہ صرف تیز رفتار اقتصادی ترقی کو ہوا دے رہا ہے بلکہ چین سے پیشہ ورانہ تعلیم کی مضبوط مانگ بھی پیدا کر رہا ہے تاکہ ملک کو جدید بنانے میں مدد مل سکے۔

بنیادی ڈھانچہ۔  محمد عمار حال ہی میں شروع کیے گئے چائنا-پاکستان انٹرنیشنل انڈسٹری-ایجوکیشن کوآپریشن الائنس (سی پی آئی آئی ای سی اے) کے نائب سیکرٹری جنرل نے فورم میں بطور مہمان مقرر اپنے مشاہدے کا اظہار کرتے ہوئے کہا  مقامی پیداواری صلاحیت کو بڑھانے کے لیے ہمیں پاکستانی نوجوانوں کی پیشہ ورانہ مہارتوں، پیشہ ورانہ اخلاقیات اور ای کامرس کی صلاحیتوں کو بڑھانے کی ضرورت ہے۔

چینی اور پاکستانی تعلیم کے پیشہ ور افراد  سی پیک  کے اندر کام کرنے والی چینی صنعتوں سے انتہائی ہنر مند تکنیکی صلاحیتوں کی مانگ کو پورا کرنے کے طریقے تلاش کر رہے ہیں۔ اس سال فروری میں، چین پاکستان انٹرنیشنل انڈسٹری-ایجوکیشن کوآپریشن الائنس انیشیٹو (سی پی آئی ای سی اے) بیجنگ چین میں شروع کیا گیا تھا۔ یہ اتحاد چینی برآمدات پر مبنی صنعتی ترقی کے ماڈل کو نافذ کرنے اور پاکستان کے اقتصادی زونز میں پیشہ ورانہ مہارت کے تربیتی کورسز کا مظاہرہ کرنے کے لیے پوری رفتار سے کام کر رہا ہے۔

محمد عمار نے فورم کے دوران کہا ہم پاکستان بھر میں 210 چینی برانچ کیمپس اور 36 چین-پاک ووکیشنل ایجوکیشن سینٹرز آف ایکسیلینس کے ساتھ پاکستان کے پیشہ ورانہ تعلیمی نظام کو فروغ دینے کے لیے تیار ہیں، تاکہ نوجوان افراد کے باصلاحیت پول کو فروغ دیا جا سکے۔'' ہم 30,000 سے زائد اساتذہ کو تربیت فراہم کریں گے، 50,000 طلباء کے لیے انٹرن شپ کے مواقع فراہم کریں گے، اور پاکستان میں 100,000 تک طلباء کے لیے ''چینی زبان + پیشہ ورانہ مہارت'' کی تربیت فراہم کریں گے۔

فورم میں س ''آن لائن+آف لائن'' چینلز کے ذریعے تقریباً 400 مہمانوں اور مختلف ایشیائی ممالک کے نوجوان نمائندوں  نے شرکت کی، درحقیقت متنوع ایشیائی ممالک کے نوجوانوں کے لیے مواصلات اور خیالات کے تبادلے کے لیے ایک مخصوص پلیٹ فارم کی راہ ہموار کی ہے۔