گوادر میں پہلی بار ''فنانشل لٹریسی گالا'' کا انعقاد،نوجوانوں کو  معلومات فراہم کی گئیں

گوادر  (گوادر پرو)  گوادر میں پہلی بار ''فنانشل لٹریسی گالا'' کا انعقاد کیا گیا   جس میں گوادر کے نوجوانوں کو مالیاتی اداروں اور مالیاتی آلات کے طریقہ کار،   کے بارے میں زبردست معلومات فراہم کی گئی ہیں۔

گوادر یونیورسٹی نے اسٹیٹ بینک آف پاکستان (SBP) کے تعاون سے  فنانشل لٹریسی   گالا کا انعقاد کیا جس میں گوادر کے نوجوان مرد و خواتین تعلیم یافتہ افراد کی ایک بڑی تعداد نے شرکت کی۔

اس تقریب میں مختلف بینکوں نے شرکت کی اور اپنے اسٹالز آویزاں کیے اور نوجوانوں کو ان کے پیش کردہ مالیاتی اداروں اور مالیاتی آلات کے بارے میں آگاہ کیا۔ مختلف سکولوں، کالجوں اور یونیورسٹیوں کے طلباء نے دلچسپی ظاہر کی اور سٹالز کا دورہ کیا۔

اس موقع پر سیمینار ہال میں فنانشل لٹریسی لیکچرر سیشن کا انعقاد کیا گیا جس کی صدارت پرو وائس چانسلر پروفیسر ڈاکٹر سید منظور احمد نے کی۔

پروفیسر ڈاکٹر منظور احمد نے مہمانوں کو خوش آمدید کہا اور  فنانشل لٹریسی  کی اہمیت پر زور دیتے ہوئے سیشن کا آغاز کیا۔ بعد ازاں اسٹیٹ بینک کے ایریا کوآرڈینیٹر   محمد اقبال نے سامعین سے فنانشل لٹریسی   اور اسٹیٹ بینک کے پروگراموں اور سرگرمیوں کے بارے میں خطاب کیا۔

پروفیسر ڈاکٹر جان محمد ڈین، فیکلٹی آف مینجمنٹ سائنسز، کامرس اینڈ سوشل سائنسز نے فنانشل لٹریسی   اور معاشی ترقی کے ساتھ اس کے تعلق پر اپنے خیالات کا اظہار کیا۔ اور جو نتائج پروفیسر نے سامعین کے ساتھ شیئر کیے وہ شرکاء کے لیے فنانشل لٹریسی  کی مزید سمجھ حاصل کرنے میں بہت مددگار ثابت ہوئے۔

سیشن کے اختتام پر پرو وائس چانسلر یو جی پروفیسر ڈاکٹر سید منظور احمد نے وائس چانسلر پروفیسر ڈاکٹر عبدالرزاق صابر کی جانب سے معزز مہمانوں کو یونیورسٹی کی یادگاری شیلڈز پیش کیں۔