چین  اور پاکستان نے تکنیکی و پیشہ ورانہ تعلیم میں تعاون پر  سرگرمیوں کی سیریز کا آغاز کردیا

بیجنگ (چائنا اکنامک نیٹ) چین پاکستان ٹیکنیکل اینڈ ووکیشنل ایجوکیشن اینڈ ٹریننگ تعاون اور  ڈویلپمنٹ سیمینار اور چین پاکستان  ٹیکنیکل اینڈ ووکیشنل ایجوکیشن اینڈ ٹریننگ ایکسچینج اور تعاون سیریز کی سرگرمیوں کی افتتاحی تقریب  چین میں پاکستانی سفارت خانے میں   ہوئی۔
  مستقبل کی سرگرمیوں کا سلسلہ شروع کیا گیا۔ جس میں  چین پاکستان   تکنیکی و پیشہ ورانہ تعلیم اور تربیت تعاون اور ترقی پر سیمینار،   چین پاکستان ''انٹرنیٹ +''  انٹرنیشنل ایجوکیشن  اور صنعت- ایجوکیشن  انٹیگریشن سیمینار، چین پاکستان انٹرنیشنل انڈسٹریل اکیڈمک انٹیگریشن الائنس کی تیاری، چین پاکستان  تکنیکی  و پیشہ وارانہ  تعلیم  اور تربیت  کالج کے پرنسپلز کی آن لائن لیکچر سیریز اور  ایکسچینج  سرگرمیاں،   انٹرنیشنل اکیڈمک سیمینار،  چینی پیشہ ورانہ اداروں کے سرکردہ ماہرین کے بیجنگ میں پاکستانی سفارت خانے   کے دورے اور معائنہ  اور چین پاکستان   تکنیکی و پیشہ ورانہ تعلیم اور تربیت  سینٹر آف ایکسیلنس کا قیام  شامل ہے۔ ان سرگرمیوں کو  23ویں چائنا انٹرنیشنل ایجوکیشن سالانہ کانفرنس کے دوران  سفارتخانہ پاکستان کی طرف سے پاکستان نیشنل سکلز یونیورسٹی اور  چین کے صوبہ ہیبی کے ساتھ  ملکر مشترکہ طور پر  منعقد کیا جائے گا۔

 اس موقع پر چین کوآپریشن + کمرشل کلچر + ٹیکنیکل ٹریننگ + ایجوکیشن ایمپلائمنٹ(سی سی ٹی ای) ماڈل کے تحت دو چین-پاک ڈوئل ڈپلومہ جو ائنٹ  ٹیکنیکل ایجوکیشن پروگراموں پر دستخط کیے گئے۔پہلا مقابلہ گورنمنٹ کالج آف ٹیکنالوجی فار پی اینڈ جی اے، شینزین انسٹی ٹیوٹ آف انفارمیشن ٹیکنالوجی، ٹیکنیکل ایجوکیشن اینڈ ووکیشنل ٹریننگ اتھارٹی پنجاب، زلمی فانڈیشن اور  ٹانگ  انٹرنیشنل ایجوکیشن گروپ کے درمیان ہے۔دوسرا پنگڈنگشن پولی ٹیکنک کالج اور ٹینگ انٹرنیشنل ایجوکیشن گروپ کے درمیان ہے۔بالترتیب سافٹ ویئر انجینئرنگ اور کان کنی پر ہنر کو فروغ دیا جائے گا۔

سفارت خانے کے مطابق  سیمینار اور سیریز کی سرگرمیوں کا مقصد پاکستانی نوجوانوں کی پیشہ وارانہ مہارت، سماجی و صنعتی اخلاقیات اور ای کامرس کی صلاحیت کو بہتر بنانا ہے، جو کہ پاکستان کی کل آبادی کا تقریباً 70 فیصد ہے، خصوصی افراد کے لیے ٹیلنٹ کو فروغ دے کر برآمدات کو بڑھانا ہے۔ اکنامک زونز، موجودہ جدید ترین ووکیشنل یونیورسٹیوں اور کالجوں کے ساتھ تعاون کرکے پاکستان کو پیشہ ورانہ تربیت کے لیے ایک علاقائی مرکز بنا نا اور معاشرے کے غریب طبقے کو غربت کے خاتمے کے لیے خصوصی تربیت سے آراستہ کر نا ہے۔

اس تقریب کی میزبانی چین میں پاکستانی سفارت خانے نے کی  جس کا اہتمام تانگ انٹرنیشنل ایجوکیشن گروپ   اور بیجنگ گلوبل ٹیلنٹ ایکسچینج ایسوسی ایشن کے تعاون سے  کیا گیا ۔

چین میں پاکستان کے سفیر   معین الحق کے ساتھ ساتھ نیشنل ووکیشنل اینڈ ٹیکنیکل ٹریننگ کمیشن  پاکستان، چائنا ایجوکیشن ایسوسی ایشن فار انٹرنیشنل ایکسچینج، چائنا ایسوسی ایشن آف ہائر ایجوکیشن،  تانگ  انٹرنیشنل ایجوکیشن گروپ، اور  گلوبل ٹیلنٹ ایکسچینج ایسوسی ایشن  بیجنگ کے نمائندے نے تقریب سے خطاب کیا۔
 اپنے خطاب  میں سفیر  معین الحق نے آن لائن پلیٹ فارمز کے ذریعے چین کو پاکستان کی برآمدات کو فروغ دینے کے لیے ای کامرس میں ٹیلنٹ کو تربیت دینے کی ضرورت پر زور دیا۔ انہوں نے پاکستانی کمیونٹیز میں صلاحیت کی تعمیر میں تکنیکی و پیشہ ورانہ تعلیم اور تربیت تعاون کے کردار کو تسلیم کیا کیونکہ  سی پیک  کی تعمیر سے صنعتوں، آئی سی ٹی اور زراعت میں ہنر مند افرادی قوت کی بہت زیادہ مانگ آئے گی۔