مائیکرو انورٹر سیریز سے پاکستان کے دور دراز علاقوں کو فائدہ پہنچے گا

اسلام آباد (گوادر پرو) پاکستان کے دیہی علاقوں میں آف گرڈ سولر پینلز کے استعمال میں روز بروز اضافہ ہو رہا ہے، خاص طور پر معاشرے کے پسماندہ طبقوں میں جوتوانائی کے روایتی ذرائع یا بڑے پیمانے پر قابل تجدید منصوبوں کے متحمل نہیں ہیں۔ .

یہ لوگ صرف ایک یا دو پینل خریدتے ہیں اور انہیں یا تو اپنی چھتوں پر یا باہر کھلی ہوا میں سورج کی روشنی میں رکھتے ہیں اگر وہ چھپروالی چھتوں کے نیچے رہتے ہیں تو وہ بہت محدود فوائد سے لطف اندوز ہوتے ہیں کیونکہ یہ آلات صرف پنکھے یا دیگر چھوٹے آلات ہی چلا سکتے ہیں۔

چینی انورٹر بنانے والی کمپنی بینی چے جیانگ الیکٹرک کمپنی نے حال ہی میں رہائشی نظام کے لیے ایک مائیکرو انورٹر سیریز کی نقاب کشائی کی ہے۔ اس طرح کے انورٹرز پاکستان کے دور دراز اور پسماندہ علاقوں میں دیہی برادریوں کو اپنے محدود وسائل کو بروئے کار لاتے ہوئے سورج کی روشنی سے زیادہ سے زیادہ فائدہ اٹھانے کے قابل بنا سکتے ہیں۔

 ملاکنڈ میں سولر پینلز اور انورٹرز کا کاروبار کرنے والے شہاب الدین نے کہا ہے کہ دو قسمیں بی وائی ایم550 (550-volt ampere) اور بی وائی ایم700 (700VA) لوگوں کے لیے خاص طور پر دیہی علاقوں میں رہنے والوں کے لیے گیم چینجر ثابت ہو سکتی ہیں۔ انہوں نے کہا کہ شہری علاقوں میں چھوٹے خاندان بھی ان منی انورٹرز سے مستفید ہو سکتے ہیں۔

بی وائی ایم 550 اور بی وائی ایم 700 کو ایک پینل سے منسلک کیا جا سکتا ہے اور کمپنی کی ہدایات کے مطابق ہر ماڈیول کی پاور جنریشن کی نگرانی کر کے پی وی سٹیشن کی ماڈیول سطح کی دیکھ بھال اور انتظام کو فعال کر سکتے ہیں۔

زیادہ سے زیادہ آو¿ٹ پٹ پاور 721واٹ/چینل تک ہے جو 60، 66، اور 72 سیلز پی وی پینلز کے مطابق ہے۔ جامد زیادہ سے زیادہ پاور پوائنٹ ٹریکنگ ( ایم پی پی ٹی) کی کارکردگی 99.80فیصد ہے جب کہسب سے زیادہ کی کارکردگی 97.5 فیصد اور یورو کی کارکردگی 97 فیصد ہے۔
 
بی وائی ایم 550 کے لیے، 400~670W,60,66,72 سیل/(300~400W),72 سیلز پی وی پاور ماڈیول رینج کیلئے تجویز کردہ ہیں۔ ایم پی پی ٹی وولٹیج کی حد 24V-50V ہے۔ ریٹیڈ آو¿ٹ پٹ پاور 550VA ہے جس کی زیادہ سے زیادہ آو¿ٹ پٹ پاور 600VA ہے۔ ایک تار میں زیادہ سے زیادہ کنکشن نمبر 10 یونٹ ہے (30A سرکٹ بریکر، 9 AWG کیبل)۔

شہاب الدین کے مطابق دیہی مارکیٹ کو دیکھتے ہوئے 550 ایم وائی ایم اس خطے میں سب سے زیادہ مطلوب مائیکرو انورٹر ہو سکتا ہے۔ انہوں نے کہا مجھے امید ہے کہ منی انورٹرز کی ابھی تک اعلان کردہ قیمت عام لوگوں کے لیے قابل برداشت ہو گی۔ 

انجینئر سہیل احمد نے کہا کہ مائیکرو انورٹر کم وسائل والے لوگوں کے لیے شمسی توانائی کے زیادہ سے زیادہ فوائدلائے گا۔ انہوں نے کہا کہ وہ ایک ہی پینل کا استعمال کرتے ہوئے چھوٹے سائز کے واٹر پمپ، واشنگ مشین، اور دیگر آلات کو مائیکرو انورٹرز کے ساتھ چلا سکتے ہیں۔ 

پاکستان اکنامک سروے-22 2021 کے مطابقشمسی توانائی کی نصب شدہ صلاحیت 600 میگاواٹ ہے، جو کل نصب شدہ صلاحیت کا تقریباً 1.4 فیصد ہے۔ 600 میگا واٹ میں شمسی توانائی سے پیدا ہونے والی وہ بجلی شامل نہیں ہے جو ہزاروں خاندان کم سطح پر سولر پینلز سے حاصل کر رہے ہیں۔

پاکستان میںشمسی توانائی کی صلاحیت بھی بہت زیادہ ہے۔ سورج کی روشنی تقریباً پورے ملک میں وافر مقدار میں دستیاب ہے۔