چین پاکستان سائنس فاؤنڈیشن مشترکہ ایکسچینج پروگرام شروع کر یں گے

اسلام آباد  (گوادر پرو)   چین کی نیشنل نیچرل سائنس فاؤنڈیشن (این ایس ایف سی) اور پاکستان سائنس فاؤنڈیشن (پی ایس ایف) جلد ہی 2022 کے لیے مشترکہ تبادلے کے پروگراموں کی  پہلے بیچ  کا آغاز کریں گے۔

ذرائع  نے گوادر پرو کو بتایا کہ اس پروگرام کا مقصد دونوں ممالک کے محققین کے 15 جوڑوں کو ایک مشترکہ تحقیقی پروجیکٹ شروع کرنے کے لیے فنڈ فراہم کرنا ہے، ذر ائعنے نام ظاہر نہ کرنے کی د شرط پر بتایا کہ   ترجیحی شعبوں میں کمپیوٹر سائنس، انٹرنیٹ آف تھنگز، بلاک چین، بائیو میٹرکس، بگ ڈیٹا، ورچوئل رئیلٹی، اگمینٹڈ رئیلٹی، ڈیپ لرننگ، مصنوعی ذہانت، روبوٹکس اور تھری ڈی پرنٹنگ کے ساتھ ساتھ موسمیاتی تبدیلی اور پانی، خوراک اور ماحولیاتی تحفظ وغیرہ شامل ہیں۔

ذرائع نے بتایا کہ  پی ایس ایف ہر پاکستانی محقق کو 40 لاکھ روپے کی گرانٹ فراہم کرے گا، جبکہ   این ایس ایف سی چینی محققین کو فنڈ فراہم کرے گا۔

پروگرام کے تحت چینی اور پاکستانی محققین کو این ایس ایف سی  اور  پی ایس ایف کے ساتھ مشترکہ تحقیقی تجاویز پیش کرنے کی ضرورت ہے۔

دونوں تنظیمیں میچ میکنگ کی سہولت فراہم نہیں کرتی ہیں لیکن دونوں اطراف کے محققین اپنے طور پر روابط قائم کرتے ہیں۔ ذرائع نے کہا کہ اس سے چینی اور پاکستانی محققین کے درمیان تعاون کو فروغ ملے گا اور دونوں ممالک کے درمیان سائنسی تعاون مزید گہرا ہو گا۔

اس پروگرام کی مدت دو سال ہے جس کے دوران چین کے محققین پاکستان کا دورہ کر سکتے ہیں اور اس کے برعکس اپنے ساتھیوں کو تربیت دینے یا سائنسی سیمینارز یا ورکشاپس میں شرکت کر سکتے ہیں۔

  مشترکہ تحقیقی تجاویز کا جائزہ لینے کا عمل پہلے ہی سے جاری ہے، انہوں نے مزید کہا کہ یہ پروگرام یکم جولائی 2022 سے شروع ہونے والے مالی سال 2022-23 کے وفاقی حکومت کے بجٹ کی منظوری کے بعد شروع کیا جائے گا۔ کافی  محققین کو سپانسر کرنے کی صلاحیت لیکن عارضی طور پر یہ تعداد 15 تک ہو گی۔

پاکستان میں ہائر ایجوکیشن کمیشن (ایچ ای سی) کے ساتھ ساتھ سرکاری شعبے کے تحقیقی مراکز اور اداروں کے ذریعہ چارٹرڈ یونیورسٹیوں کے اسکالرز اور محققین اس پروگرام میں حصہ لینے کے اہل ہیں۔

  یہ پروگرام پاکستانی طلباء اور محققین کے لیے جدید ٹیکنالوجی کی دنیا میں قدم رکھنے اور اپنے چینی ساتھیوں کے ساتھ مل کر جدید سائنس اور ہائی ٹیک کے ابھرتے ہوئے تصورات کے بارے میں جاننے کے لیے ایک نئی  راہ  کھولے گا۔