بیجنگ میں پاکستان کے قومی پویلینز کا آن لائن اور آف لائن افتتاح
بیجنگ (گوادر پرو) چین میں پاکستانی سفارت خانے میں پاکستان کے قومی پویلینز (آف لائن اور آن لائن) کے معاہدے کی تقریب منعقد ہوئی۔
چین میں پاکستان کے سفیر معین الحق نے کہا کہ چین میں پاکستانی مصنوعات تک رسائی بڑھانے کے لیے سوشل میڈیا ٹک ٹاک کا استعمال کیا جائے گا۔
سفیر معین الحق نے چائنا ایشین اکنامک ڈویلپمنٹ ایسوسی ایشن اربن کوآپریشن کمیٹی (CAEDA-UCC) کے صدر لو ہونگ جون سے ملاقات کی اور دو طرفہ تجارتی تعلقات کو مضبوط بنانے اور چینی آف لائن اور آن لائن میں پاکستان کی معیاری مصنوعات کو فروغ دینے میں سی اے ای ڈی اےکے فعال کردار کو سراہا۔ انہوں نے اس اعتماد کا بھی اظہار کیا کہ بیجنگ اور ٹک ٹاک پر پاکستان کے قومی پویلین دونوں آہنی بھائیوں کے درمیان تجارتی روابط، کاروباری وسعت، ثقافتی فروغ اور عوام سے عوام کے تبادلوں کے فروغ کے لیے امید افزا پلیٹ فارم کے طور پر کام کریں گے۔
سفیر نے بھی دستخط کی تقریب کے بعد اپنےٹویٹ میں تصدیق کی کہ ایمبیسی میں منعقدہ ایک دستخطی تقریب میں بیجنگ اور ٹک ٹاک پر پاکستان کے قومی پویلینز (آف لائن اور آن لائن) کو رسمی شکل دینے پر مجھے خوشی ہے۔
لو نے پاکستان کے قومی پویلینز کے قیام اور دونوں برادر ممالک کے درمیان تجارتی تعلقات کو فروغ دینے کے لیے سفیر کی مسلسل حمایت پر شکریہ ادا کیا۔ انہوں نے ان مجوزہ پویلینز کو جلد از جلد مکمل کرنے کے لیے سی اے ای ڈی اے کے مکمل عزم کا بھی یقین دلایا۔
آخر میں، سفیر حق اور صدر لو نے چین میں پاکستان کے قومی پویلینز کے قیام کا باضابطہ آغاز کرنے کے لیے تعاون کے مسودے پر دستخط کیے۔
