پاکستان کی چین کو برآمدات میں اضافے کا رجحان حوصلہ افزا ہے

بیجنگ (چائنا اکنامک نیٹ)  چین اور پاکستان کے درمیان دوطرفہ تجارت کے ساتھ ساتھپاکستان کی  چین کو  برآمدات 2021 میں ریکارڈ سطح پر پہنچ گئیں، چین پاکستان اقتصادی اور تجارتی تعاون باہمی طور پر فائدہ مند ہے اور اس نے  دونوں ممالک کے  عوام کو ٹھوس فوائد پہنچائے ہیں یہ بات چینی وزارت خارجہ کے ترجمان وانگ وین بن   نے کہی۔

چین کی جنرل ایڈمنسٹریشن آف کسٹمز کے تازہ ترین اعدادوشمار سے پتہ چلتا ہے کہ 2021 میں چین کی پاکستان کو درآمدات اور برآمدات کی کل مالیت میں  سالانہ  59.1 فیصد اضافہ ہوا جس میں  برآمدات میں 57.8 فیصد اور درآمدات میں 68.9 فیصد اضافہ شامل ہے۔
 
 اس وقت چین پاکستان کے لیے برآمدات کا دوسرا بڑا اور درآمدات کا سب سے بڑا ذریعہ ہے۔ پاکستانی میڈیا  کے مطابق  2021 میں چین کی ہمسایہ ممالک کو   برآمدات   میں   پاکستان    سرفہرست ہے، جس نے دیگر آبادی والے ممالک بھارت اور بنگلہ دیش کو پیچھے چھوڑ دیا۔
 
چین کو برآمدات میں حالیہ اضافے کا رجحان دونوں ممالک کی حکومتوں اور کاروباری اداروں کے لیے حوصلہ افزا ہے۔
 
متعدد عوامل نے اس قابل ذکر اضافہ میں حصہ لیا ہے۔ آزاد تجارتی معاہدے (ایف ٹی اے) کے پہلے مرحلے کے تحت پاکستان پہلے ہی چین کو 700 سے زائد مصنوعات کی برآمدات پر صفر ڈیوٹی سے لطف اندوز ہو رہا ہے۔ جبکہ معاہدے کے دوسرے مرحلے میں پاکستان کو 313 نئی اشیاء چینی مارکیٹ میں صفر ڈیوٹی پر برآمد کرنے کی اجازت دی گئی۔
 
اس کے علاوہ خصوصی اقتصادی زونز کی تعمیر سے پاکستان کو چین سمیت دیگر ممالک کو اشیا برآمد کرنے میں بھی مدد ملی ہے۔