پاک چین آن لائن تجارت کو فروغ دینے کے لیےنئے پلیٹ فارم کا آ غاز

 بیجنگ :سی پی ٹی او کے پرسن  انچارج اور  پاکستان میں سیچوان چیمبر آف کامرس کی سائنس اینڈ ٹیکنالوجی انوویشن کمیٹی کے ڈائریکٹر  چینگ کائی نے کہا ہے کہ   رواں سال    مارچ میں پاک چین آن لائن تجارت کے لیے ایک پلیٹ فارم چائنا پاکستان ٹریڈ آن لائن (CPTO) کا آغاز کیا گیا تھا۔ تاہم بہت سے تاجروں نے ابھی تک اپنی مصنوعات ویب سائٹ پر نہیں ڈالی ہیں کیونکہ وہاں بہت زیادہ پروڈکٹس ہیں۔ اب ہمارا چیمبرآف  کامرس ممبر کمپنیوں کے تعارف اور ان کی مصنوعات کی معلومات ویب سائٹ پر ڈالنے میں مدد کرنے میں مصروف ہے۔  چائنہ اکنامک نیٹ کے مطابق   انہوںنے کہا تین سال کی تلاش کے بعد ہمارے چیمبر آف کامرس نے چین اور پاکستان کی موجودہ تجارت میں کچھ مسائل دیکھے۔چینگ کائی نے کہا  چینی اور پاکستانی کاروباری اداروں کے درمیان باہمی اعتماد کی کمی ہے۔ بعض اوقات سرحد پار تجارت میں ملنے والی اشیا ویسی نہیں ہوتیں جیسی تھیں۔  پاکستان سیچوان چیمبر آف کامرس کے صدر لی ہونگ وو نے نشاندہی کی کہ دونوں ممالک کے پاس دوسرے ملک کی مصنوعات کی محدود معلومات ہیں۔ ہم سمجھتے تھے کہ چونکہ انٹرنیٹ ترقی یافتہ ہے، اس لیے چین اور پاکستان کی کمپنیوں کے درمیان معلومات کا تبادلہ ہموار ہونا چاہیے، یہ غلط نکلا۔ زیادہ تر پاکستانی کمپنیاں ای میلز کے ذریعے اپنا کاروبار بڑھاتی ہیں اور معلومات کو آن لائن منظم اور شائع نہیں کرتی ہیں، جبکہ بہت سی چینی  کمپنیوں کا خیال ہے کہ چینی پلیٹ فارمز پر معلومات شائع کرنا کافی ہے۔ مزید یہ کہ جب انٹرنیٹ پر بہت زیادہ معلومات ہوتی ہیں تو لوگ یہ نہیں بتا پاتے ہیں کہ کون سا سچ ہے۔ لہٰذا ہم نے یہ پلیٹ فارم دونوں ممالک کی کمپنیوں کو سرٹیفکیٹ دینے کے لیے قائم کیا،   آیا ان کی مصنوعات اور پروموشن کی معلومات مستند ہیں۔  چینگ کائی نے   بتایا کہ یہ پلیٹ فارم Taobao جیسا ہے، جہاں معلومات کا تبادلہ کیا جا سکتا ہے۔ یہ Alipay کی طرح ایک ادائیگی کے پلیٹ فارم سے بھی لیس ہوگا، جہاں رقم کو پہلے منتقل کیا جاتا ہے۔ جب گاہک سامان کی تصدیق کریں گے تو رقم بیچنے والوں کو جائے گی۔ لی ہونگ وو نے کہا  ''CPTO اب بنیادی طور پر F2B اور B2B کر رہا ہے، اور اگلے مرحلے میں یہ F2C اور B2C میں ترقی کر سکتا ہے۔ مجھے امید ہے کہ یہ پلیٹ فارم چین اور پاکستان کے درمیان اقتصادی تبادلوں کو فروغ دے گا۔