چائنا انٹرنیشنل امپورٹ ایکسپو  میں ہمالیائی سالٹ لیمپ زائرین کی توجہ کا مرکز  بن گئے

شنگھائی:قدرت کی طاقت ہمیشہ ہمیں حیران کرتی ہے، پاکستان  کے  ہمالیائی سالٹ لیمپ خوبصورت اور منفرد  ہیں  جو فطرت اور فن کو اچھی طرح سے جوڑ  تے   ہیں ۔  چائنا انٹرنیشنل امپورٹ ایکسپو   میں  ایک چینی وزیٹر مسز ژانگ نے گوادر پرو  کو بتایا کہ  یہ خوبصورت ہے، یہ عملی ہے، یہ ہوا کو صاف کرتا ہے، اور ہم نے اس سے پہلے شاذ و نادر ہی ایسا کچھ دیکھا ہے ۔ چوتھی چائنا انٹرنیشنل امپورٹ ایکسپو (CIIE) شنگھائی میں    جاری  ہے۔ اس موقع پر بہت سے پاکستانی نمائش کنندگان کو اپنی مصنوعات کی نمائش کے لیے مدعو کیا گیا جو دنیا بھر سے آنے والے زائرین کی دلچسپی کا باعث بنے ہوئے ہیں ۔ ان میں، ہمالیائی نمک کے لیمپ باضابطہ طور پر پہلی بار ایک برانڈ کی شکل میں چین کی بڑے پیمانے پر نمائش میں نمودار ہوئے۔  پاکستانی ہمالیائی  سالٹ  لیمپ کے تاجرمیاں محمد زبیر  نے گوادر پرو کو بتایا ہوا کو صاف کرنے کے لیے  سالٹ  لیمپ کا استعمال پاکستان میں کئی ہزار سالوں سے ایک روایتی ثقافت رہی ہے۔ میں اسے چینی صارفین سے متعارف کروانا پسند کروں گا۔ تمام لیمپ ہمالیہ میں نکالے جاتے ہیں اور چین کو برآمد کیے جاتے ہیں۔ وہ اپنے اصلی رنگ اور شکل میں  ہی رہتے ہیں اور گاہک خوبصورت چٹانوں کے ذریعے ہمالیہ کا سانس لینے کے قابل ہوتے ہیں۔ اسی لیے چینی خریدار ان سے محبت کرتے ہیں۔  انہوں نے یہ بھی متعارف کرایا کہ پاکستانی ہمالیائی نمک مختلف رنگوں جیسا کہ سفید، گلابی، سرخ اور سیاہ، دنیا بھر میں مشہور ہے۔ انہیں چین برآمد کرنا نہ صرف ایک بہت بڑا کاروباری موقع ہے بلکہ روایتی پاکستانی ثقافت کو بھی فروغ دینا ہے۔  سالٹ  لیمپ کی قیمت  سالٹ بلاک کے وزن پر منحصر ہے۔ مثال کے طور پر  1 سے 2 کلو گرام  کا  سالٹ لیمپ   200  یوآن  کا ہے، 3 سے 5 کلوگرام کا   400 سے 450  یوآن  پر جاتا ہے۔ 50 کلوگرام وزن   کا سب سے بڑا سالٹ  لیمپ  یوآن میں 3800 میں فروخت کیا جا سکتا ہے۔ تمام خریداروں کا خیال ہے کہ قیمت مناسب ہے۔ انہوں نے کہا کہ چین میں زیادہ تر خاندان اسے برداشت کر سکتے ہیں اور اپنے گھر میں اسے سجا کر خوش ہوتے ہیں۔ پاکستان سالٹ لیمپ کے نمائش کنندگان کا کہنا تھا کہ صرف ایک دن میں شیلفز میں موجود تمام نمائشیں فروخت کرکے بھر دی گئیں۔  6 تاریخ کو 30 سے  زائد لیمپ فروخت ہوئے۔ بہت ساری مصنوعات پہلے ہی آرڈر کی جا چکی ہیں۔ اس کے ساتھ ساتھ انہوں نے نایاب بلیک سالٹ  لیمپ کی بھی نمائش کی    جن کی جانب   صارفین کی توجہ مبذول ہوئی۔ ایک اور پاکستانی تاجر، حبیب الرحمان نے کہا کہ یہ پہلا موقع ہے جب ہم نے سالٹ  لیمپ کو چینی مارکیٹ میں بطور برانڈ متعارف کرایا۔ چین میں اتنے بڑے پلیٹ فارم پر پاکستانی سالٹ لیمپ پہلے کبھی متعارف نہیں کروائے گئے۔ چینی صارفین بھی  سالٹ  لیمپ کے بارے میں ہماری توقع سے زیادہ پرجوش ہیں۔ اس نیچینی صارفین کی جانب سے  سالٹ  لیمپ کو پسند کر نے  کی  تین وجوہات بتائیں ،سب سے پہلے  یہ ایک چراغ کے طور پر بہت عملی ہے. دوم، اس کی منفرد ساخت، رنگ اور شکل آرائشی اور جمالیاتی ہے۔ آخر میں، یہ سب قدرتی اور صحت  کیلئے اچھا   ہے. یہ 2,530 سال بعد آہستہ آہستہ پگھل جائے گا۔ یہ ہوا میں پانی کے ساتھ رد عمل ظاہر کرتا ہے اور نجاست کو جذب کرتا ہے، آئنوں کو جاری کرتا ہے۔ اس طرح، یہ ہوا کو صاف کر سکتا ہے، نیند کو بہتر بنا سکتا ہے، اور جلد کے لیے بھی اچھا  ثابت ہو سکتا ہے۔  حبیب نے اپنی برآمدی صورتحال کا بھی تعارف کراتے ہوئے کہا کہ اب سالٹ کے بلاکس کراچی سے بھیجے جاتے ہیں۔ مستقبل میں ہم انہیں قرا قرم ہائی وے  کے ذریعے چین تک پہنچانے پر غور کریں گے، جو نہ صرف تیز ہوگا بلکہ سستا بھی ہوگا۔ سی پیک اور ایف ٹی اے کے دوسرے مرحلے کی بدولت ہمارے لیے کم ٹیرف کے ساتھ اپنی مصنوعات چین کو برآمد کرنا بہت آسان ہے، اس دوران  چین میں وبا پر موثر کنٹرول ہے، چین کو ہماری برآمدات زیادہ متاثر نہیں ہوئی ہیں۔