اردو شاعری کی زبان ہے،چینی طلباء

بیجنگ:پاکستانی عوام کی فنکارانہ صلاحیتیں شاندار اردو زبان کے ساتھ مل کر چلتی ہیں ۔ بہت سی بہترین پاکستانی فلموں اور موسیقی نے اردو کو عالمی ثقافتی مقام تک پہنچایا ہے۔ اردو سیکھنے کے بعد  ہم سب اسے شاعری کی زبان کے طور پر پہچانتے ہیں ۔یہ بات  چینی اور اردو مضمون نویسی کے مقابلوں  میں  انعام  حاصل  کرنے والے بیجنگ فارن اسٹڈیز یونیورسٹی (BFSU) کے اردو کے   طالب علم یانگ یو (مسرت )نے  کہی۔چین میں پاکستانی سفارت خانے کے ایجوکیشن اتاشی محمد سلیمان محسود نے متعارف کرایا، ان مقابلوں کا انعقاد چین اور پاکستان کے درمیان سفارتی تعلقات کے قیام کی 70 ویں سالگرہ کے موقع پر سلک روڈ سٹیز الائنس کی سرپرستی میں   پاکستانی سفارت خانہ  نے کیا ۔ جیتنے والوں کو اعزاز دینے کی تقریب  پیر (25 اکتوبر) کو منعقد ہوئی۔ اردو مضمون نویسی کا مقابلہ چین کی مختلف یونیورسٹیوں میں اردو   پڑھنے والے چینی طلباء کے درمیان تھا جبکہ چینی مضمون نویسی کا مقابلہ چینی یونیورسٹیوں میں زیر تعلیم پاکستانی طلباء کے درمیان تھا۔ سفارت خانہ پاکستان کے ڈپٹی ہیڈ آف مشن احمد فاروق نے جیتنے والوں کو اسناد اور نقد  انعامات اور تمام شرکاء کو اسناد پیش کیں۔ طلباء نے مقابلے کو سراہا اور خوشی ا  کا اظہار کیا اور کہا کہ اس سرگرمی سے ایک دوسرے کی زبانوں، ثقافتوں اور تاریخ کے بارے میں ان کی  تفہیم  کو بڑھانے میں مدد ملی جو دونوں ممالک کے نوجوانوں کے درمیان طویل مدتی دوستی کو فروغ دینے میں فائدہ مند ثابت ہوگی۔  یانگ نے کہا حالیہ برسوں میں بہت سے پاکستانی نوجوان چینی زبان سیکھ رہے ہیں، لیکن چند چینی طلبہ کو اردو تک رسائی حاصل ہے۔ لہذا میں سمجھتا ہوں کہ BFSU کے لیے اس لینگویج میجر کو ترتیب دینا بہت معنی خیز ہے۔ اسکول کے آغاز میں ہمارا پہلا جملہ تھا 'چین پاکستان دوستی زندہ باد'۔ ہم اکثر اردو شاعری بھی کرتے اور سناتے ہیں، جسے پاکستانی اصل میں پسند کرتے ہیں۔ اب  پاکستان کے بڑھتے ہوئے ثقافتی اثرات اور چین اور پاکستان کے درمیان بڑھتی ہوئی دوستی کی وجہ سے زیادہ سے زیادہ چینی اردو سیکھنے کے لیے تیار ہیں۔ فاروق نے خصوصی انٹرویو میں کہا کہ یہ تقریب نئی نسل کے بارے میں ہے، ان میں موجود  ٹیلنٹ  کو  تلاش کرنا اور اس کی نشوونما کے لیے حوصلہ افزائی کرنا۔ لہٰذا عوام سے عوام کے روابط کے قیام کے علاوہ یہ تقریب نوجوان نسل میں دوستی کا رشتہ بھی پیدا کر رہی ہے اور پاکستانیوں میں چینی زبان سیکھنے کے لیے اور چینیوں میں اردو سیکھنے کا جذبہ اور حوصلہ پیدا کر ر ہی ہے۔ اسی طرح پاکستانی طلباء نے بھی چینی زبان میں بہت دلچسپی کا اظہار کیا جو کہ چینی ثقافت کے بارے میں جاننے کا ایک اہم چینل ہے۔  چینی زبان کے  مضمون  نویسی مقابلہ میں پہلا انعام جیتنے  والیمحمد ایاز  نے  کہا میں نے چھ سال تک چینی زبان کا مطالعہ کیا۔ چینی زبان بہت دلچسپ ہے کیونکہ چینی زبان میں ایک لفظ کے کئی معنی ہو سکتے ہیں۔ مثال کے طور پر جب آپ اپنی پوزیشن تبدیل کرتے ہیں تو دو حروف کے مختلف معنی ہوتے ہیں۔ بہت سے لوگ ایسے ہیں جنہیںچینی بولنا    بہت مشکل لگتا ، لیکن مجھے لگتا ہے کہ زیادہ مشق کے ساتھ صحیح راستہ تلاش کر سے  آسان ہو جائے گا۔ مستقبل میں، میں چینی زبان سیکھنے اور پاکستانی ثقافت کو مزید چینی دوستوں تک پہنچانے کے لیے زیادہ محنت کروں گا  ۔