نمکین  پانی  کے  پودے پاکستان کی  شورزدہ  زمین کی زرخیزی  میں  اضافہ کر سکتے  ہیں، ڈاکٹر  چنگ ہواسن

بیجنگ :  شور زدہ زمین  پاکستان کی زرعی پیداوار کیلئے  بڑا خطرہ   ہے۔چائنا اکنامک نیٹ (سی ای این) کی  رپورٹ میں کہا گیا ہے کہپاکستان کی و زارت  موسمیاتی تبدیلی  کے مطابق  4.5 ملین سے 5.3 ملین ہیکٹر زمین  شور زدہ / سوڈک نوعیت کی ہے، جو کہ پاکستانی زمین کا 5 سے 6 فیصد ہے اور پاکستان  کے  غذائی تحفظ پر  برا  اثر ڈالتا ہے۔ چین کی نیشنل فارسٹری  اینڈگراس لینڈ ایڈمنسٹریشن  کے  ریسرچ فیلو اور سالین اور الکلی لینڈ کے ریسرچ سینٹر کے ڈائریکٹر ڈاکٹر  چنگ ہواسن نے انکشاف کیا  کہ پاکستان میں  تقریبا   14 فیصد آ بی زمین   شوقر کی وجہ سے  خراب ہوچکی ہے جس کی وجہ سے  64 فیصد پیداوار میں نقصان   ہوا ہے ۔ انہوں نے مزید کہا پاکستان میں  ہر سال آبپاشی والے علاقوں میں  شور زدہ زمین  کی اوسط سطح 1 ٹن فی ہیکٹر بڑھ جاتی ہے اور انتہائی   کیسز میں 3 سے 5 ٹن تک بڑھ سکتی ہے۔   اس طرح کے  مروجہ نمکیات زیادہ تر زیادہ درجہ حرارت اور پانی کے  باعث ہو تے  ہے اور اس  کے خلاف فوری اقدامات کی ضرورت ہے۔  زرعی یونیورسٹی فیصل آ باد  کے انسٹی ٹیوٹ آف سو ئل اینڈ انوائرنمنٹل سائنس کے ایسوسی ایٹ پروفیسر ڈاکٹر محمد ثاقب کے مطابق  زمین میں وسیع پیمانے پر نمکیات  کو شامل کرنے کے لیے دنیا بھر میں سائنسی اقدامات اختیار کیے گئے ہیں،  جس میں  انجینئرنگ اپروچ،  اصلاحی  اپروچ اور بائیوولوجیکل اپروچ شامل ہیں ۔  ڈاکٹر ثاقب نے کہا  کہ انجینئرنگ کے نقطہ نظر میں بہت سارے نظام نصب ہیں جن میں بہت زیادہ کام اور اخراجات شامل ہیں اور یہ پائیدار نہیں ہے۔ ڈاکٹر ثاقب نے چائنا اکنامک نیٹ (سی ای این) کو بتایا کہ اسی طرح بحالی کا طریقہ  جس کے لیے صاف پانی اور ترامیم کا سخت امتزاج درکار ہے، پاکستان کے لیے موزوں نہیں ہے کیونکہ یہ ملک بڑھتے ہوئے درجہ حرارت اور نمکیات سے دوچار ہے۔ تیسرا حیاتیاتی نقطہ نظر ہے جس میں نمک برداشت کرنے والے پودے اور درخت نمک سے متاثرہ زمین میں اگتے ہیں اور مٹی میں نمک کی ایک خاص مقدار کو جذب کرتے ہیں۔ڈاکٹر ثاقب نے کہا   ہم کئی دہائیوں سے نمکیات کے ساتھ جدوجہد کر رہے ہیں، اور حیاتیاتی نقطہ نظر پاکستان میں واحد حل ہے۔ یہ پائیدار ہے کیونکہ درخت اور پودے ماحول اور پانی کے چکر کے حوالے سے اہم ہیں ۔نمک سے نمٹنے کے لیے پاکستان اور چین نمک سے متاثرہ زمینوں  کی بحالی میں ایک دوسرے کے ساتھ تعاون کر رہے ہیں، ڈاکٹر ثاقب نے کہا  مئی میں، چائنیز اکیڈمی آف فارسٹری اور یونیورسٹی آف ایگریکلچر فیصل آباد نے ایکسچینج سرگرمیوں، مشترکہ تعلیمی کانفرنسوں اور مشترکہ تعلیمی منصوبوں کے ذریعے نمکین/  شور زدہ کے علاج میں چین پاکستان تعاون کو مزید گہرا کرنے کے لیے ایک لیٹر آف انٹینٹ (ایل او آئی) پر دستخط کیے۔ چین میں نمک برداشت کرنے والے پودوں کی ایک وسیع اقسام ہے اور ان میں سے کچھ پاکستان میں  متعارف کرائے جا سکتے ہیں، جیسے چین کے جنوبی خود مختار علاقے سنکیانگ کے جنوبی حصے کے پودے۔ چین کے مشرقی شانگ ڈونگ صوبے میں کئی  نمائشی  علاقوں میں تحقیقات اور چینی ماہرین کے ساتھ 2019 میں چین کے دورے کے دوران نمک برداشت کرنے والے پودوں کے وسائل کو جمع کرنے، محفوظ کرنے اور بہتر بنانے کے بارے میں تبادلہ خیال کیا۔ڈاکٹر چانگ نے سی ای این کو بتایا چین اور پاکستان کے نمک برداشت کرنے والے پودوں کی نمکین/  شور زدہ زمینوں اور  جینیاتی  وسائل کی اقسام کے تعین اور پاکستان میں معیاری نمک برداشت کرنے والے پودوں کی نئی اقسام تیار کرنے کے لیے باہمی تعاون کے وسیع امکانات ہیں۔  اس طرح کے تعاون سے پاکستان میں  نمکین/  شور زدہ   زمین کی بحالی  امکان ہے۔ ڈاکٹر ثاقب کے مطابق ہم جانتے ہیں کہ چین نمک برداشت کرنے والے چاول کی اقسام تیار کر رہا ہے جو نمک سے متاثرہ زمینوں میں زیادہ پیداوار برقرار رکھ سکتی ہے۔ چاول کی ایسی اقسام کو پاکستان میں تجرباتی بنیادوں پر بھی متعارف کرایا جا سکتا ہے اور مناسب کاشتکاری اور مظاہرے کے ساتھ زیادہ کسانوں تک پہنچایا جا سکتا ہے۔