چین، سمارٹ ڈیزاسٹر پریوینشن کانفرنس میں چین پاکستان تعاون پر تبادلہ خیال

 بیجنگ  (چائنا اکنامک نیٹ)   چین پاکستان بیلٹ اینڈ روڈ انیشی ایٹو (بی آر آئی) کی مشترکہ لیبارٹری کی پہلی تعلیمی کانفرنس اتوار کو چین کے شہر نانجنگ میں بڑے انفراسٹرکچر کے سمارٹ ڈیزاسٹر پریوینشن پر منعقد ہوئی جس میں دونوں ممالک کے درمیان تعاون کو اجاگر کیا گیا۔ 

چین میں پاکستان کے سفارتخانے میں سائنس اور ٹیکنالوجی کے قونصلر خان محمد وزیر نے چائنہ اکنامک نیٹ کو بتایا کہ کانفرنس میں نئی ٹیکنالوجیز پر تبادلہ خیال کیا گیا جو قدرتی آفات سے بڑے انفراسٹرکچر کو بچانے کے لیے استعمال کی جا سکتی ہیں، اور اس میں چین اور پاکستان دونوں کے متعدد ماہرین نے شرکت کی۔ یہ تقریب چین اور پاکستان کے درمیان دوطرفہ تعلقات کی مضبوطی اور بیلٹ اینڈ روڈ انیشیٹو (BRI) کے لیے ان کے عزم کو ظاہر کرتی ہے۔

انہوں نے مزید کہا کہ ہم امید کرتے ہیں کہ مشترکہ لیبارٹری چین اور پاکستان کے درمیان مشترکہ تحقیق، بڑے انفراسٹرکچر میں سمارٹ ڈیزاسٹر سے بچاؤ کی ٹیکنالوجیز کے فروغ اور استعمال اور اعلیٰ درجے کے ہنرمندوں کی مشترکہ تربیت میں مزید تعاون کر سکتی ہے۔ 

انہوں نے مزید کہا کہ چین میں پاکستانی سفارتخانہ تعاون کو مزید گہرا کرنے کے لیے چین پاکستان بیلٹ اینڈ روڈ جوائنٹ لیبارٹری میں شامل ہونے کے لیے مزید پاکستانی یونیورسٹیوں کو فروغ دے گا۔

یہ بات قابل ذکر ہے کہ چین پاکستان بیلٹ اینڈ روڈ جوائنٹ لیبارٹری آف سمارٹ ڈیزاسٹر پریوینشن آف میجر انفراسٹرکچرز 53 ''بیلٹ اینڈ روڈ'' مشترکہ لیبارٹریوں کے تین بیچوں میں سول انجینئرنگ ڈسپلن کی واحد مشترکہ لیبارٹری ہے۔ اس اکیڈمک کمیٹی کے اجلاس میں نتیجہ خیز اشتراک، تبادلہ خیال کیا گیا جو  یقینی طور پر مشترکہ تجربہ گاہ کی تعمیر اور ترقی کو فروغ دے گا اور چین اور بیلٹ اینڈ روڈ ممالک  جیسا   کہ پاکستان  میں    انٹیلیجنٹ ڈیزاسٹر پریوینشن میں   تعاون کو فروغ دے گا۔