پاکستان اور چینی کمپنی کے درمیان پی وی ماڈیول کی فراہمی کے لیے مفاہمتی یاداشت پر دستخط

نانجنگ (چائنا اکنامک نیٹ)  حال ہی میں سی اینڈ ڈی کلین انرجی نے پینل سپلائی چینسروسز کے لیے انٹیگرا سولر کے ساتھ شراکت کا اعلان کیا ہے۔ ایک دستخط شدہ  ایم او یو  کے مطابق،  سی اینڈ ڈی کلین انرجی 2022 میں انٹیگرا پاکستان کو 100  میگا واٹ  کے سولر ماڈیولز کی مربوط سپلائی چین سروسز فراہم کرے گی۔
انٹیگرا سولر پاکستان کے سی ای او محمود طاہر نے کہا  کہ انٹیگرا کا ویلیو کا تصور اعلیٰ معیار کی مصنوعات کا انتخاب کر کے زمین کا مستقبل   سرسبز  بنانا  ہے  اور ہم اس معاملے پر سی اینڈ ڈی کلین انرجی کے مطابق ہیں۔ 

  انہوں نے کہا ہمیں اعزاز حاصل ہے کہ ہمیں   سی اینڈ ڈی    کلین انرجی  جیسا   ایک عالمی سپلائی چین پارٹنر  ملا ہے جو  فارچیون 500 کمپنی کا رکن ہے،ایک گلوبل سولر  مارکیٹ میں  جہاں  اعلی لچک اور مسابقت کی ضرورت ہوتی ہے۔ سی اینڈ ڈی کلین انرجی کی طرف سے فراہم کردہ سپلائی چین کی جامع  سروسز نے ہمیں توانائی کے نئے کاروبار کی ترقی میں مزید مسابقتی فوائد فراہم کیے ہیں۔
سی اینڈ ڈی کلین انرجی کے جنرل مینیجر، مائیکل   کے لی نے  ایم او یو پر دستخط کی تقریب میں آن لائن مبارکباد پیش کی، انہوں نے مزید کہا انٹیگرا کے ساتھ شراکت کرنا اور اس کم کاربن اور سبز تعاون میں اپنا کردار ادا کرنا اعزاز کی بات ہے۔ انٹیگرا نے گزشتہ ایک سال کے دوران  سی اینڈ کلین انرجی کے ساتھ انورٹرز اور سولر ماڈیولز پر ایک وسیع تعاون تیار کیا ہے اور ہم مستقبل میں مربوط اور ویلیو ایڈڈ سپلائی چین  سروسزکے ساتھ کمپنی کی حمایت جاری رکھیں گے، پاکستان اور دیگر حصوں میں اپنے تعاون کو بڑھاتے رہیں گے۔ دنیا عالمی سبز اور کم کاربن کی ترقی میں مشترکہ تعاون کرے گی۔
نیشنل الیکٹرک پاور ریگولیٹری اتھارٹی پاکستان (نیپرا) کی طرف سے جاری کردہ پاور جنریشن کیپیسیٹی ایکسپینشن پلان کے مطابق یہ اندازہ لگایا گیا ہے کہ 2030 تک پاکستان کی فوٹو وولٹک انسٹال کرنے کی صلاحیت 12.8  گیگا واٹ  تک پہنچ جائے گی، اور 2047 تک یہ تعداد 26.9  گیگا واٹ تک پہنچ جائے گی، سولر پی وی انڈسٹری کی ترقی کے لیے مارکیٹ کی وسیع جگہ فروہم کرے گی۔

  عالمی بینک پاکستان  میں  کنٹری ڈائریکٹر ناجی بینہسین نے زور دیا  کہ شمسی اور  ونڈسے بجلی کی پیداوار کی ترقی پاکستان کی بجلی کی فراہمی کی حفاظت کو بڑھا دے گی اور پاکستان کو توانائی کی عالمی منتقلی میں سب سے آگے رکھے گی ۔

پاکستان نے اس ماہ فوٹو وولٹک اور ونڈ پاور پراجیکٹس کے لیے بولی کا ایک نیا دور شروع کیا ہے، جس کا مقصد ملک کے موجودہ انرجی مکس میں صاف بجلی کا حصہ 61 فیصد تک بڑھانا ہے۔ پاکستان الٹرنیٹو انرجی ڈویلپمنٹ بورڈ (AEDB) کے سی ای او  شاہ جہاں مرزا نے زور دیا کہ ہم پہلے ہی 2030 تک 7,000 میگاواٹ فوٹو وولٹک انسٹال کرنے کی صلاحیت کو شامل کرنے کے اپنے ہدف کو حاصل کرنے کی راہ پر گامزن ہیں۔  بلاشبہ اس سے چین اور پاکستان کے درمیان نئی توانائی میں تعاون کا ایک اور روشن مستقبل ہے۔