ڈیری انڈسٹری  میں  پاک چین تعاون پاکستان میں انڈسٹریل اپ گریڈنگ کو فروغ دے گا

بیجنگ (چائنا اکنامک نیٹ)   چینی کمپنی نے کہا ہے کہ   پاکستان جنوبی ایشیا میں ڈیری مصنوعات کا سب سے اہم برآمد کنندہ اور پروڈیوسر ہے، پاکستان کی اعلیٰ معیار کی ڈیری مصنوعات ہمارے لیے بہت اسٹریٹجک اہمیت کی حامل ہوں گی۔ برائٹ ڈیری اینڈ فوڈ کمپنی لمیٹڈ کے اوورسیز بزنس مینیجر لی یونجی نے  چائنہ اکنامک نیٹ  کو بتایا کہ ہم پاکستانی ڈیری انڈسٹری کے بارے میں مزید جاننے کے لیے تیار ہیں کہ آیا ہمارے پاس اس کا حصہ بننے کا موقع ہے۔
2011 سے 2020 تک چین کی ڈیری درآمدات میں 12.3 فیصد کا  کمپاؤنڈ سالانہ اضافہ ہوا، اور طلب اب بھی بڑھ رہی ہے۔ چین میں اعلیٰ معیار کی ڈیری مصنوعات کے لیے متنوع مطالبات بھی پاکستان کی ڈیری صنعت کو ترقی کی ایک نئی سمت فراہم کرتے ہیں۔
 دودھ کے پاؤڈر اور مائع دودھ سے زیادہ، ہائی ویلیو ایڈڈ ڈیری مصنوعات جیسے چھینے، پنیر، مکھن اور کریم کی بھی چینی مارکیٹ میں زیادہ مانگ ہے۔
 لی یونجی نے کہا ہمارے اعدادوشمار اور تجزیے کی بنیاد پر، چین میں پنیر اور کریم کی سب سے تیزی سے ترقی کی توقع ہے۔
فی الحال  چین کی ڈیری درآمدات بنیادی طور پر نیوزی لینڈ سے   40.44  فی صد ، نیدرلینڈز سے   17.15  فی صد   اور آسٹریلیا سے   7.38  فی صد  آتی ہیں۔ حال ہی میں شائع شدہ چائنا ڈیری انڈسٹری رپورٹ میں، بیلٹ اینڈ روڈ روٹ  سے منسلک  ممالک کے درمیان ڈیری انڈسٹری پر مزید تعاون کی حوصلہ افزائی کی گئی ہے۔
معلوم ہوا ہے کہ چینی کاروباری ادارے چینی مارکیٹ میں پاکستانی ڈیری مصنوعات کا خیرمقدم کرتے ہیں۔ اس طرح، چینی صارفین کی اعلیٰ معیار کی ڈیری مصنوعات کی مانگ پوری ہو جائے گی۔ دریں اثنا پاکستان کی اقتصادی ترقی، صنعتی اپ گریڈنگ اور صنعتی سلسلہ میں توسیع کی توقع کی جا سکتی ہے۔
 مویشی پالنا پاکستان کی اہم صنعتوں میں سے ایک ہے۔ خاص طور پر، بلوچستان، جہاں   گائے کے گوشت اور دودھ والی گائے کی افزائش کے منفرد فوائد کے ساتھ  ساتھ چائنا پاکستان اکنامک کوریڈور (سی پیک) کے تحت گوادر پورٹ واقع    ہے۔
بلوچستان کی مجموعی زرعی پیداوار کا 47 فیصد حصہ مویشی پالنا ہے۔ چر اگاہوں  کے لیے 93  فیصد سے زیادہ اراضی، اور چھ ماحولیاتی  ایگریکلچرل اضلاع کے ساتھ، وہاں مویشیوں کی افزائش، ڈیری پروسیسنگ اور جانوروں کی ضمنی مصنوعات کی پروسیسنگ کو اچھی طرح سے تیار کیا جا سکتا ہے۔ نامیاتی گوشت کی پروسیسنگ اور برآمدات، جدید لائیو سٹاک بریڈنگ بیس، فر پروڈکٹ پروسیسنگ، اونٹ کے گوشت اور دودھ کی پروسیسنگ اور ساسیج میں سرمایہ کاری کے امکانات ہیں۔
اس وقت گوادر پورٹ میں وبائی امراض سے پاک علاقے کی تعمیر کا کام منظم انداز میں جاری ہے۔ اگر چین کے صنعتی سلسلے کو پاکستان تک بڑھایا جا سکتا ہے تو اس سے دونوں ممالک کی ڈیری  انڈسٹری کے لیے فائدہ مند نتائج کی توقع ہے۔ چینی سرمایہ کار اور پاکستانی ڈیری پروڈیوسرز اس موقع کو ضائع کرنے کے متحمل نہیں ہو سکتے۔