چین ٹیکسٹائل انڈسٹری  میں پاکستان کے ساتھ تجارت اور سرمایہ کاری  تعاون میں فروغ کا خواں

بیجنگ  (چائنا اکنامک نیٹ) چین اور پاکستان دونوں ہی ٹیکسٹائل اور گارمنٹس کے شعبے میں اپنی اپنی مسابقتی برتری سے فائدہ اٹھا  رہے ہیں۔ ہم ٹیکسٹائل انڈسٹری  میں پاکستان کے ساتھ تجارت اور سرمایہ کاری   تعاون کو مضبوط بنانے کے لیے تیار ہیں۔ یہ بات  چائنا چیمبر آف کامرس فار امپورٹ اینڈ ایکسپورٹ آف ٹیکسٹا کے نائب صدر چانگ شیان  نے چائنا اکنامک نیٹ  کو خصوصی انٹرویو  میں بتائی۔
 2020 میں چین پاکستان آزاد تجارتی معاہدے کے دوسرے مرحلے کے نفاذ کے بعد سے دو طرفہ تجارت میں اضافہ ہوا ہے اور مزید پاکستانی مصنوعات چینی مارکیٹ میں کامیابی  سے  داخل  ہوئی ہیں۔
 2020 سے دونوں طرف سے تقریباً 75 فیصد اشیا پر ٹیرف کو بتدریج صفر کر دیا گیا ہے، جس نے پاکستان سے اعلیٰ معیار کی مصنوعات  کو  چین تک رسائی فراہم کی ہے۔  چانگ نے کہا یہ معاہدہ نہ صرف چین پاکستان تجارتی اور اقتصادی تعاون کے لیے ایک اہم موڑ ہے، بلکہ یہ چین پاکستان ٹیکسٹائل انڈسٹری  میں تعاون کے لیے بھی ایک نیا موقع ہے۔ 
   انہوں نے وضاحت کی کہ ایک طرف  چین کی ٹیکسٹائل انڈسٹری نے ان سالوں میں پوری دنیا میں سرمایہ کاری کی رفتار کو تیز کیا ہے۔ دوسری طرف  پاکستان نے چینی کاروباری اداروں کو پاکستان میں سرمایہ کاری   کے لیے مراعات بھی فراہم کی ہیں۔  مثال کے طور پر، چینی سرمایہ کاروں کو پاکستان کے ٹیکسٹائل سیکٹر کے تقابلی فوائد کو اجاگر کرنے کے لیے سی پیک    اتھارٹی نے 1 دسمبر کو  سی سی سی ٹی  اور معروف چینی ٹیکسٹائل کمپنیوں اور سرمایہ کاروں کے ساتھ ایک میٹنگ کا اہتمام کیا۔
  چانگ شیان نے ٹیکسٹائل میں چین پاکستان تعاون کے امکانات کی نشاندہی کی، مثال کے طور پر گھریلو ٹیکسٹائل ۔ پاکستان دنیا کا ایک بڑا کپاس پیدا کرنے والا ملک ہے جس کی ایک طویل تاریخ ہے۔ 2020 میں   پاکستان نے 3.8 بلین امریکی ڈالر کی گھریلو ٹیکسٹائل برآمد کیں، جو اس کی کل ٹیکسٹائل اور ملبوسات کی برآمدات کا 28 فیصد ہے۔ پاکستان امریکہ کو گھریلو ٹیکسٹائل مصنوعات کا تیسرا سب سے بڑا فراہم کنندہ اور یورپی یونین کو دوسرا بڑا سپلائر ہے۔ یہ بین الاقوامی گھریلو ٹیکسٹائل انڈسٹری کی سپلائی چین میں ایک اہم مقام رکھتا ہے اور مضبوط مسابقت کے ساتھ بین الاقوامی گھریلو ٹیکسٹائل مارکیٹ میں اس کا حصہ بہت زیادہ ہے۔
  چانگ شیان  نے سی  ای این کو بتایا کہ چین اپنے آہنی  بھائی پاکستان کے ساتھ تحقیق، ڈیزائن، مینوفیکچرنگ، مینجمنٹ، مارکیٹنگ اور برانڈ سازی میں جدید ٹیکنالوجی، اور تجربہ بانٹنے کے لیے تیار ہے۔  پاکستان کو کم قیمت پر خام مال کی فراہمی اور انسانی وسائل کی وافر مقدار حاصل ہے، اس لیے دونوں فریق تجارت، سرمایہ کاری اور وسائل کے انضمام میں تعاون بڑھا سکتے ہیں اور مشترکہ طور پر بین الاقوامی منڈیوں کو تلاش کر سکتے ہیں۔
 اکتوبر 1988 میں قائم کیا گیا  چائنا چیمبر آف کامرس فار امپورٹ اینڈ ایکسپورٹ آف ٹیکسٹائل چین  کی  وزارت تجارت کے حصے کے طور پر  چین اور دنیا دونوں میں ٹیکسٹائل اور ملبوسات کی تجارت کی سب سے بڑی ایجنسی ہے۔ اس کی رکن کمپنیاں چینی ٹیکسٹائل اور ملبوسات کے کاروباری اداروں کی اکثریت پر مشتمل ہیں جن میں گھریلو مینوفیکچررز، برآمدی اور درآمدی اداروں کے ساتھ ساتھ مشترکہ طور پر مالی تعاون سے چلنے والے آپریشنز شامل ہیں، جن کا  مجموعی طور پر تجارتی حجم چینی ٹیکسٹائل اور ملبوسات کی صنعت کی کل برآمدات اور درآمدی حجم کا 70 فیصد ہے۔