ای کامرس مارکیٹ کو فروغ دینے کیلئے پاکستان کی توجہ چینی تعاون پر مرکوز  ہے،  بدر الزمان

بیجنگ:بیجنگ میں پاکستانی سفارتخانے کے کمرشل قونصلر بدر الزمان نے کہا کہ 4G اور 5G انٹرنیٹ کی بڑھتی ہوئی سہولت کے ساتھ پاکستانی ای کامرس مارکیٹ بہت تیزی سے اوپر کی طرف جا رہی ہے، جبکہ پاکستان چینی کاروباری اداروں کو دیکھ رہا ہے کہ  وہ  پاکستان میں ای کامرس انڈسٹری میں مواقع تلاش کر یں ۔ چائنا اکنامک نیٹ کے مطابق  پاکستان انوسٹمنٹ فورم اور کراس بارڈر ای کامرس بزنس مذاکراتی کانفرنس کے شرکاء سے خطاب کرتے ہوئے انہوں نے کہا کہ ہمیں چینی ای کامرس ایپلی کیشن، ڈویلپرز، ای کامرس ادائیگی کے حل فراہم کرنے والوں، اور انشورنس کمپنیوں کو راغب کرنے کی ضرورت ہے تاکہ ہم ایک مکمل ماحول تیار کر  سکیں  جہاں ای کامرس کے لین دین میں اضافہ ہو سکتا ہے ۔ چائنا اکنامک نیٹ سے گفتگو کرتے ہوئے انہوں نے کہا کہ ڈیلیوری سروسز کے شعبے پر بھی چینی کاروباری اداروں کے ساتھ تفصیلی بات چیت ہوئی جس میں بہت سے لوگوں نے دلچسپی ظاہر کی۔  ہمیں سامان کیلئے  ڈلیوری  سروسز کی کمی کا سامنا ہے۔ اگر یہ سروسز چین کی طرف سے متعارف کروائی جاتی ہیں، جیسے SF ایکسپریس، ZTO، اور دیگر کمپنیاں جو یہاں بہت موثر ہیں، تو ہم اپنی ای کامرس اور سپلائی چین کی صنعت کو بہتر بنا سکتے ہیں۔ بدر الزماں نے حکومت پاکستان کی سرمایہ کار  دوست پالیسیوں اور پاکستانی مارکیٹ میں صارفین کی مضبوط مانگ کی وضاحت کی۔انہوں نے کہا کہ وہ پاکستان میں خصوصی اقتصادی زونز اور صنعتی زونز میں بہت تیزی سے کاروبار شروع کر سکتے ہیں۔ان کا مزید کہنا تھا کہ پاکستان میں تقریباً 186 ملین سیلولر صارفین ہیں اور اب لوگ اسمارٹ فونز کی طرف بڑھ رہے ہیں۔ بہت سی ایپلی کیشنز آرہی ہیں لیکن پھر بھی پاکستان کو اس شعبے میں بہتری کے لیے چینی تعاون کی ضرورت ہے۔  گیارہ گیارہ (11 نومبر) چین میں ای کامرس انڈسٹری کے لیے ایک بڑا دن ہوتا  ہے۔ میں بھی انٹرنیٹ کے ذریعے جا رہا تھا اور میں نے دیکھا کہ Daraz.com اور دیگر پاکستانی ای کامرس کمپنیاں بھی 11 نومبر  پر  بہت چھوٹ    پیش کر رہی ہیں مجھے امید ہے کہ ایک دن پاکستان میں ای کامرس کے شعبے میں اس قسم کی سپلائی چین ہوگی۔  کانفرنس کے موقع پر سرمایہ کاروں نے پاکستانی اشیاء کے برآمد کنندگان کے ساتھ معاہدوں پر دستخط بھی کیے۔