چین پاکستانی اشیاء کیلئے ایک بہت بڑی مارکیٹ بن سکتا ہے، پروفیسر چنگ شی چونگ

  بیجنگ :چین کی ساوتھ ویسٹ یونیورسٹی آف پولیٹیکل سائنس اینڈ لا کے وزیٹنگ پروفیسر چنگ شی چونگ  نے کہا ہے کہ  اسٹیٹ بینک آف پاکستان (ایس بی پی) کی تازہ ترین رپورٹ کے مطابق  رواں سال جولائی سے ستمبر  تک کے تین ماہ میں  پاکستان کی  چین  کو  برآمدات 69.73 فیصد اضافے کے ساتھ 559.15 ملین ڈالر تک پہنچ گئیں۔ وبائی صورتحال کے تحت  یہ واقعی ایک قابل ذکر کامیابی ہے۔ کئی سالوں سے  چین اور پاکستان کے درمیان دوطرفہ تجارت میں بہت بڑا عدم توازن رہا ہے۔ مثال کے طور پر  2020 میں دونوں ممالک کے مابین تجارتی حجم 17.49 بلین ڈالر تھا، جس میں سے چین  کی پاکستان کو برآمدات  15.37 بلین ڈالر اور پاکستان کی چین کو صرف 2.12 بلین ڈالر  تھیں ۔ رواں سال جولائی سے ستمبر کے دوران چین نے پاکستان کو برآمدات  4012.10 ملین ڈالر  تک پہنچ گئیں ۔ انہوں نے کہا  دونوں ممالک کے درمیان تجارتی عدم توازن کو کم کرنے کے لیے دونوں فریقوں کو کوششیں کرنی چاہئیں اور پاکستان کو چین کو برآمدات مسلسل بڑھانے کے طریقے تلاش کرنے کی ضرورت ہے تاکہ دوطرفہ تجارت اور اقتصادی تعاون کو دونوں  ممالک کے درمیان اسٹریٹجک تعلقات کے مطابق نئی سطح تک بڑھایا جا سکے۔  چین کو برآمدات بڑھانے کے لیے پاکستان کے حالات بہت سے سازگار  ہیں۔ سب سے پہلے چین اور پاکستان کے درمیان اچھے سیاسی اور سفارتی تعلقات ہیں۔ دوسرا، چین پاکستان آزاد تجارتی معاہدے کے دوسرے مرحلے کا پروٹوکول اور اس کی خصوصی ترجیحی شرائط نے پاکستانی سامان کے بڑے پیمانے پر چین میں داخل ہونے کے لیے بہت سازگار حالات پیدا کیے ہیں۔ تیسرا، چین ایک بڑا ملک ہے جس کی آبادی 1.4 ارب ہے اور پڑوسی پاکستان سے ملحق ہے۔ جب تک دونوں فریق اپنی تمام کوششیں کریں گے، چین پاکستانی اشیاء  کیلئے  ایک بڑی مارکیٹ بن سکتا ہے۔  دونوں ملکوں کے درمیان  سدا بہار اسٹریٹجک شراکت داری اور چین پاکستان اقتصادی راہداری ( سی پیک ) کی مسلسل ترقی کے ساتھ، چین پاکستان دو طرفہ تجارت اور اقتصادی تعاون ایک نئے دور میں داخل ہو چکا ہے۔ اگر دونوں ممالک مسلسل کوششیں کرتے ہیں تو مجھے پختہ  یقین ہے کہ دونوں ممالک کے درمیان باہمی تجارت کے لیے موجودہ بنیادوں پر مسلسل نئی بلندیاں پیدا کرنا مکمل طور پر ممکن ہے، تاکہ پاکستان جنوبی ایشیائی برصغیر میں چین کا اہم تجارتی شراکت دار بن سکے۔ میں ہمیشہ امید کرتا ہوں کہ اگر پاکستان کی  چین  کو  برآمدات چین کی  پاکستان  کو برآمدات کی سطح تک پہنچ جائیں، تاکہ تجارتی توازن کو حاصل کیا جاسکے تو دوطرفہ تجارت جلد ہی 30  بلین  ڈالر سے زیادہ تک پہنچ سکتی ہے۔ اگر یہ کئی سالوں کی کوششوں سے 100 بلین ڈالر تک پہنچ جاتا ہے تو پاکستان جنوبی ایشیائی برصغیر میں چین کا سب سے بڑا تجارتی شراکت دار بن جائے گا۔ اس مقصد کے لیے میں مندرجہ ذیل تجاویز دینا چاہتا ہوں۔سب سے پہلے  پاکستان کے پاس بہت سی اعلی معیار کی اشیاء ہیں، جیسے کاٹن یارن، ٹیکسٹائل، زرعی مصنوعات، آبی مصنوعات، معدنیات، طبی سامان، دستکاری اور کھیلوں کی مصنوعات وغیرہ۔  پاکستانی حکومت اور کاروباری اداروں کو چینی مارکیٹ میں پروموشن کو تقویت دینی چاہیے اور نمائشوں میں شرکت کرنی چاہیے تاکہ چینی درآمد کنندگان اور صارفین بہتر پاکستانی مصنوعات کو بہتر طور پر سمجھ سکیں۔ دوسرا، چینی مارکیٹ کو فعال طور پر تلاش کرتے ہوئے  پاکستان کو نقل و حمل، مصنوعات کی پیکیجنگ، معائنہ اور قرنطینہ  وغیرہ کو بہتر بنانے کے لیے مزید اقدامات کرنے کی ضرورت ہے۔ تیسرا، چین اور پاکستان کو پروڈکٹ ڈیزائن، پروڈکٹ آر اینڈ ڈی، برانڈ، مارکیٹنگ، کنسلٹنگ اور دیگر شعبوں میں مزید قریبی تعاون کی ضرورت ہے۔ چوتھا، چین اور پاکستان کے کسٹمز اور انسپکشن اور قرنطینہ محکموں کو چاہیے کہ وہ پاکستان میں زرعی مصنوعات جیسے آلو، پیاز، چیری اور چاول کی برآمد کو مزید بڑھانے کے لیے ڈاکنگ کو مضبوط کریں۔ پانچو اں  دونوں فریقوں کو زیادہ سے زیادہ چینی کاروباری اداروں کو پاکستان میں سرمایہ کاری اور پاکستانی کاروباری اداروں کے ساتھ تعاون کرنے کی ترغیب دینی چاہیے تاکہ چینی مارکیٹ میں پاکستانی مصنوعات کی مسابقت کو بہتر بنایا جا سکے۔