سی پیک کے ونڈ پاور پروجیکٹ پاک چین دوستی کی ایک اور مثال ہیں ،سن چھیانگ

اسلام آباد : سی پیک کے تحت ونڈ پاور پراجیکٹ پاک چین دوستی کی ایک اعلیٰ مثال ہے۔ چائنہ اکنامک نیٹ  ے مطابق  تھری      گورجز  ونڈ فارم پاکستان لمیٹیٹ کے جنرل منیجر سن  چھیانگ نے کہا    میں امید کرتا ہوں کہ   سی پیک کے تحت منصوبوں کی تعمیر کے ذریعے ہم چینی تجربہ ، سازوسامان ، اور معیارات کو پاکستان لا سکتے ہیں   جو پاکستان کی معاشی نمو میں اپنا کردار ادا کرسکیں گے اور پائیدار پاک چین دوستی میں اپنا حصہ ڈالیں گے۔پروجیکٹ کمپنی کا تعلق چائنا تھری گورجز کارپوریشن (سی ٹی جی) کے ذیلی ادارہ سے ہے۔ تھری گورجز   سیکنڈ ونڈ پاور پروجیکٹ کراچی سے 90 کلومیٹر مغرب میں   صوبہ سندھ  کے  ضلع ٹھٹھہ  کے علاقے جھمپیر میں واقع ہے یہ اگست 2014 میں سی پیک میں فعال طور پر فروغ دینے والے منصوبے کے طور پر درج کیا گیا تھا۔ سن  چھیانگ نے   2016 میں اس کی تعمیر میں حصہ لیا تھا۔ 2016 میں ، جب طیارہ کراچی کے جناح ایئر پورٹ پر اترا تو سن چھیانگ  ایئر پورٹ  کے پسماندہ انفراسٹرکچر  کو دیکھ کر چونک گیا تھا ، اور اس کو دہائیوں پرانے یوریشین ٹرانزٹ اسٹیشن سے جوڑ نہیں سکتا تھا۔  ایئر پورٹ سے پروجیکٹ تک جانے والی سڑک جو پاکستان کی مرکزی شاہراہـ M9 سے گزرتی ہے ، نے بھی اس پر گہری تاثر چھوڑا۔دو لین ہائی وے پر بہت سے گڑھے تھے ،   جس  پر آپ صرف 50 سے 60 میل فی گھنٹہ کی رفتار سے گاڑی چلاسکتے تھے۔ سن نے کہا  شاہراہ سے   پروجیکٹ سائٹ تک  یہ مکمل طور پر گند  ی سڑک  صحرائے گوبی کو عبور کرنے  کے مترادف  تھی ۔ تاہم ، سن  چھیانگ کی نظر میں ، پچھلے پانچ سالوں میں سی پیک کی تعمیر کے ذریعے  پاکستان کے بنیادی ڈھانچے میں بڑی تبدیلیاں رونما ہوئیں وہ ہوائی اڈے ، شاہراہ ہو  یا سڑک ۔ سنچھیانگ نے کہا  ہائی وے میں اب دو طرفہ چھ لین موٹر ٹریفک ہے۔ ہائی وے چھوڑنے کے بعد   تارکول سے بنی   ایک نئی روڈ ہے جو براہ راست ہمارے پروجیکٹ سائٹ تک جاسکتی ہے ،" سن چھیانگ نے مزید کہا کہ اس پر  مجھے تین گھنٹے لگتے تھے۔ ہوائی اڈے سے پروجیکٹ سائٹ تک جانے  لکلیکن اب   صرف ایک گھنٹالگتا ہے۔بیرونی ملک میں بڑے پیمانے پر ونڈ پاور پلانٹ لگاناکسی بھی طرح آسان نہیں ہے۔ جب تھری گورجزپہلے ونڈ پاور پروجیکٹ کی تعمیر شروع ہوئی تو  وہاں ضروریات کو پورا کرنے کے لئے کوئی سامان   ، انفراسٹرکچر ماٹیریل کا قابل اعتماد سپلائر ، اور یہاں تک کہ پاکستانی مارکیٹ میں تجربہ کار مقامی لیبر فورس نہیں   تھی  ۔ اس معاملے میں  وہ  چین سے بڑی تعداد میںماٹیریل ، جدید آلات اور اوزار  لا ئے ۔ سن نے کہا بعدازاں ہم نے   وقت کیساتھ ساتھ   مقامی سپلائرز کے ساتھ بات کی ، تاکہ ان کی پیداواری صلاحیت  ، معیار میں اضافہ ، اور ایسی عمارتوں کی تیاری کی جائے جو ہماری ضروریات کو پورا کرسکیں۔" انہوں نے مزید کہا کہ  اس دوران اس منصوبے میں  مقامی کارکنوں کیلئے ہمارے  چینی ماہرین نے بھی قابل افراد کے ایک گروپ کو تربیت دی ۔  دوسرے  ونڈ پاور پروجیکٹ کی تعمیر کے وقت ، نسبتا  بہتر  مارکیٹ قائم ہونے کے ساتھ ، چینـپاکستان  توانائی  تعاون کو تمام پہلوؤں میں مستقل طور پر بڑھایا گیا ہے ، جس سے مقامی توانائی مارکیٹ  کی مستحکم ترقی کو مزید فروغ ملے گا۔ سن نے بتایا کہ اب کل تنصیب کی گنجائش 150000 کلو واٹ ہے ، جس میں سالانہ بجلی کی پیداوار 430 ملین کلو واٹ ہے ، جو تقریبا ایک سال تک 1.5ملین مقامی گھرانوں کی ضروریات کو پورا کرسکتی ہے۔سن نے مزید کہا اس منصوبے نے تعمیر کے عروج پر 800 کے قریب ملازمتیں پیدا کیں۔ آپریشنل مدت کے دوران ، اس نے اب بھی تقریبا 150   ملازمتیں مہیا کیں ، جن میں 40 تکنیکی عہدوں جیسے انجینئرز اور روزانہ کے کاموں کے لئے 110 کے قریب سروسز آسامیاں  شامل ہیں۔ یہ علاقہ جہاں واقع تھا وہ غریب ہوا کرتا تھا ، لیکن عوامی فلاح و بہبود اور روزگار کے لئے کچھ معاشرتی سرگرمیوں کے ذریعہ لوگوں کا روزگار بہت بہتر ہوا ہے ۔چونکہ پاکستان اور چین  ثقافت اور رہن سہین کے لحاظ  سے  مختلف ہیں ، اس لئے چینی عملے کو پاکستان میں کام کرنا کسی حد تک تکلیف دہ ہے۔ تاہم ، پاکستانی ملازمین کی دوستی انھیں  بہتر بناتی ہے۔ کمپنی  کی طرف  سے  پیش کردہ ہفتہ وار اردو اور چینی زبان کے کورسز کے علاوہ ، چینی اور پاکستانی ملازمین جمع ہوجاتے  اور مقامی مقامات پر جشن کی کچھ سرگرمیاں منعقد کرتے ۔